Aýa raıy
Astana 11 °S
Almaty 20 °S
valıýta baǵamy
USD 386.70
EUR 427.15
RUB 6.06
CNY 54.57

Kelesi jyly tegin dári-dármektiń tizimin eki esege kóbeıtemiz - Eljan Birtanov

2019 jyldyń 25 tamyz 2019 17:25

NUR-SULTAN. QazAqparat – QR Densaýlyq saqtaý mınıstri E. Birtanov Qaraǵandy oblysyna kelgen jumys sapary barysynda Abaı aýdanynyń Topar kentinde ornalasqan Ortalyq aýdandyq aýrýhananynyń qanshalyqty jabdyqtalǵanyn tekserip qaıtty.

Bul týraly mınıstrliktiń Facebook-tegi paraqshasynda jarııalandy.

Bıyl 1964 jyly irgesin qalaǵan medıtsınalyq mekemeniń aldy, shatyry jáne qorshaý men pandýsqa kúrdeli jóndeý jumyst ary jasalyp, aýla abattandyryldy.

2018 jyly aýrýhana «Navıgatsııa» aqparattyq júıesin qosty. Sondaı-aq, hırýrgııalyq jáne gınekologııalyq ota jasaý úshin elektrli koagýlıator men 20 kompıýter satyp alyndy. Bul aýrýhanada respýblıkalyq mańyzdy tas jolynda jol-kólik oqıǵasyna túsken jandarǵa shuǵyl túrde kómek kórsetedi. Aýrýhanada 4 hırýrg qyzmet etedi. Mamandar aptasyna ortasha eseppen 5 josparly ota jasaıdy. Medıtsınalyq mekeme basshylyǵy Topar kentinde dáriger tapshylyǵy joq dep maqtanyshpen aıtty.

«Dárigerlerge tapshylyq syndy másele týyndaǵan joq. Dárigerler eńbek demalysyna ketkende de árdaıym ornyn aýystyratyn maman bar»,- dedi aýrýhana dırektory Natalıa Belan.

E. Birtanov qazir aýrýhana qyzmetkerlerine adamdardy mindetti áleýmettik medıtsınalyq saqtandyrý júıesimen tanystyrýǵa kóp kóńil bólý kerektigin atap ótti. Sebebi 1 qyrkúıekten bastap Qaraǵandy oblysynda MÁMS pılottyq júıesi iske qosylady.

«Endi kim saqtandyrý júıesine tirkelgenin, kim joq ekenine nazar aýdarý kerek. Medıtsına qyzmetkerleri tolyqqandy túsindirýge daıyn bolýlary kerek. Dárigerler medıtsınalyq kómektiń bazalyq paketine ne kiretinin jáne qosymsha taǵy qandaı kómek kórsetiletinin bilse eken deımiz. Ázirge pılottyq júıede profılaktıkalyq tekserý men jáne ońaltý ǵana bar. Kelesi jyly tegin dári-dármekterdiń tizimin eki eselendirýdi josparlap otyrmyz» - dep sózin qorytyndylady E.Birtanov.

Joǵary qaraı