Aýa raıy
Astana 28 °S
Almaty 26 °S
valıýta baǵamy
USD 386.34
EUR 427.25
RUB 5.88
CNY 54.57

Kezdeısoq adamdarǵa sýdıa bolýǵa jol jabyldy - Jaqyp Asanov

2019 jyldyń 10 shilde 2019 18:18 2288

NUR-SULTAN. QazAqparat - Qazirgi ýaqytta elimizde kezdeısoq adamdarǵa sýdıa bolýǵa jol jabyldy. Bul týraly búgin sýdıalardyń keńeıtilgen keńesinde QR Joǵarǵy sotynyń tóraǵasy Jaqyp Asanov aıtty, dep habarlaıdy QazAqparat tilshisi.

«Qazir sýdıa bolý burynǵydaı ońaı emes. Óıtkeni, úmitker keıstik tapsyrmalar oryndap, esse jazýy kerek, psıhologııalyq testen ótýi tıis. Sondaı birneshe satysy bar. Sonyń barlyǵynan ótip, sodan keıin Joǵarǵy sottyń 7-8 sýdıasynyń aldynda arnaıy suhbattan ótýi qajet. Ol da jaı sharýa emes. Bul júıe irikteýdiń ádil jáne ashyq ótýine, myqty mamandardyń kelýine jaǵdaı jasap otyr. Tipti, qazir sizderge moıyndaıyn,  maǵan bireý kelip «Jaqyp Qajymanuly maǵan sýdıa bolýǵa kómektesińiz» dese, meniń qolymnan ol kelmeıdi. Nege? Sebebi Joǵarǵy sot keńesimen jasaǵan júıe ondaı múmkindikti maǵan bermeıdi», - dedi ol 2019 jyldyń 1 jarty jyldyǵyndaǵy sot tóreligin júzege asyrý qorytyndysy qaralǵan keńeste.

Onyń atap ótýinshe, sýdıa bolatyndardy tekseretin 15-20 adam bolady jáne olar kimniń tamyr-tanys arqyly kelgendigin bilip otyrady.

«Olardyń barlyǵynan qaı betińmen suraısyń? Sondyqtan qazir ondaı ótinishter tyıyldy. Óıtkeni, barlyǵy ádil ashyq ótedi. Bilim, biliktilik, umytylys, deńgeı kerek», - dedi Joǵarǵy sot tóraǵasy.

Sonymen qatar, ol qazirgi ýaqytta biliksiz, kezdeısoq zańgerlerge sýdıa bolýǵa jol jabylǵanyn basa aıtty.

«Endi keıbireýleri suraýy múmkin. Báriniń aýyzyna qaqpaq bola almaısyń. Olar saýatsyz, eshteńe bilmeıtin, túsinbeıtin, bilimsiz adamdar. Óıtkeni olar júıeniń ne ekenin bilmeıdi. Júıeniń mazmunyn túsinse, ondaı ótinish bolmaıtyn edi. Biraq, ásirese kadr máselesinde  bizdi qurtatyn osy ótinishter», - dedi Jaqyp Asanov.

 

 

Avtor Marlan Jıembaı
Basty sózder: Sot, QR Joǵarǵy soty,
Joǵary qaraı