Aýa raıy
Astana 25 °S
Almaty 24 °S
valıýta baǵamy
USD 386.82
EUR 428.67
RUB 5.86
CNY 54.95

QHA Arys turǵyndaryna 51 mln teńgeniń kómegin kórsetti

2019 jyldyń 27 maýsym 2019 17:10 653

NUR-SULTAN. QazAqparat - Qazaqstan halqy Assambleıasy Arys turǵyndaryna 51 mln teńgeniń kómegin kórsetti. Bul týraly búgin QHA Tóraǵasynyń birinshi orynbasary Janseıit Túımebaev aıtty, dep habarlaıdy QazAqparat tilshisi. 

"Búgingi kún tártibinde qoǵamdaǵy turaqtylyq pen etnosaralyq kelisim, áleýmettik birlikti nyǵaıtýda jýrnalıster qaýymy aldynda turǵan mindetter talqylanady. Sondaı-aq Qazaqstan halqy Assambleıasynyń Túrkistan oblysy Arys qalasyndaǵy tótenshe jaǵdaıǵa baılanysty kórsetip jatqan kómegine toqtalatyn bolamyz. Qazaqstan halqy qıyn-qystaý sátteri judyryqtaı jumylyp, eldik pen birliktiń úlgisin kórsetti", - dedi  Qazaqstan halqy Assambleıasy Jýrnalıster klýbynyń otyrysyn ashqan Janseıit Túımebaev.

Onyń atap ótýinshe, Qazaqstan halqy Assambleıasy 24 maýsym kúni jedel túrde Shymkent qalasyndaǵy Túrkistan oblystyq Dostyq úıinde zardap shekkender men Arys qalasynan kóshirilgenderge kómek kórsetý maqsatynda shtab qurdy. Barlyq óńirdegi Dostyq úılerinde kómek qabyldaý pýnktteri iske qosyldy.

"27 maýsym, ıaǵnı búgingi kúnge deıin Qazaqstan halqy Assambleıasy kórsetken kómektiń jalpy somasy 51 mln 331 myń teńgeni qurap otyr. Sondaı-aq QHA men «Qoǵamdyq kelisim» memlekettik mekemeleri bir kúndik jalaqylaryn Túrkistan áleýmettik-korporatıvtik damý qoryna aýdardy. QHA «Jańǵyrý joly» respýblıkalyq jastar qozǵalysy «Jaqsylyq jasa» jobasy aıasynda Túrkistanǵa kómekke attaný maqsatynda volonterlyq top qurdy",- dedi ol.

 

 

Joǵary qaraı