Aýa raıy
Astana 28 °S
Almaty 27 °S
valıýta baǵamy
USD 386.34
EUR 427.25
RUB 5.88
CNY 54.57

QHA elimizdiń sırek kitaptar qoryn toltyrýǵa atsalysady

2019 jyldyń 16 shilde 2019 18:28 316

NUR-SULTAN. QazAqparat - Qazaqstan halqy Assambleıasynyń ǵylymı-sarapshylyq keńesi «Qoljazbalar jáne sırek kitaptar ulttyq ortalyǵymen» memorandým jasasty, dep habarlaıdy qazAqparat tilshisi.

Sharaǵa Qazaqstan halqy Assambleıasy tóraǵasynyń orynbasary Janseıit Túımebaev, QR Mádenıet jáne sport vıtse-mınıstri Erlan Qojaǵapanov, QHA ǵylymı-saraptamalyq keńesi músheleri, qoǵam qaıratkerleri, ǵalymdar, etno-mádenı birlestikter men jastar uıymdarynyń ókilderi qatysty.

«Qazaqtyń mádenıeti men tarıhyna qatysty sırek qoljazbalar men eńbekter shetelde de jeterlik. QHA ókilderi arqyly sol málimetterge qol jetkizýge bolady. Memorandýmnyń bir maqsaty osy», - deıdi Qoljazbalar jáne sırek kitaptar ulttyq ortalyǵy dırektorynyń orynbasary Qaıyrjan Kúzembaev.




Memorandým aıasynda eldiń tarıhyna, mádenıetine jáne turmys jaǵdaıyna qatysty qoljazbalar men sırek kitaptardyń qundylyǵyn anyqtaý, aýdarý, zertteý jáne ǵylymı aınalymǵa engizý; kitap jádigerlerin qalypqa keltirý, olardyń katalogyn jasaý, tsıfrlyq júıege kóshirý, qoljazbalardyń tsıfrlyq kóshirmelerinen mıkrofılmder jasap saqtaý salalarynda ǵylymı tájirıbe almasý kózdelgen. Sonymen qatar, katalogtandyrý, qoljazba baspalary, lıtografııa, bettik baspa, tsıfrly kóshirmeler men qoljazbalardy qoldaný jáne qaıta qalpyna keltirý jumystaryn birlesip isteý qarastylyǵan.




Memorandým qujatyna Qazaqstan halqy Assambleıasynyń ǵylymı-sarapshylyq keńes tóraıymy Aıgúl Sadýaqasova men «Qoljazbalar jáne sırek kitaptar ulttyq ortalyǵy» mekemesiniń dırektory Jandos Boldyqov qol qoıdy.




Joǵary qaraı