Aýa raıy
Astana 28 °S
Almaty 26 °S
valıýta baǵamy
USD 386.34
EUR 427.25
RUB 5.88
CNY 54.57

Kıotodaǵy stýdııaǵa qasaqana órt qoıýdan qurban bolǵandar sany 23-ke jetti

2019 jyldyń 18 shilde 2019 16:15 364

NUR-SULTAN. QazAqparat – Qutqarýshylar Japonııanyń Kıoto qalasyndaǵy órtke oranǵan anıme stýdııasyn tekserý kezinde taǵy da 10 adamnyń máıitin tapty, dep habarlaıdy QazAqparat NHK telearnasyna silteme jasap.

Buǵan deıin 12 adamnyń máıiti shyǵarylǵan. Sondaı-aq, 36 adam zardap shekken, olardyń bireýi aýrýhanada kóz jumdy. Osylaıshy órt qurbandarynyń sany 23-ke jetti.

Jergilikti polıtsııa men qutqarýshylardyń deregi boıynsha, belgisiz bireý anımatsııalyq stýdııanyń ortalyǵyna janatyn suıyqtyq tógip, sol jerde jergilikti ýaqyt boıynsha tańǵy saǵat 10:35-te órt bastalǵan. Máıitterdiń kóbi Kyoto Animation Co. úsh qabatty stýdııasynyń ekinshi qabatynan tabylǵan. Órt shyqqan kezde 70-ke jýyq adam jumys istep jatqan.

Olardyń keıbireýleriniń qaıda ketkeni ázirge belgisiz.

Kelip túsken aqparatqa sáıkes, ǵımaratqa qasaqana órt qoıylǵan. Polıtsııa oqıǵa ornynda stýdııanyń ishinde benzın nemese kerosın tógip, órtegen 41 jastaǵy er adamdy ustady. Sondaı-aq, ǵımaratta qylmyskerge tıesili bolýy múmkin birneshe pyshaq tabylǵan. Qazirgi tańda er adamnyń beti jáne keýdesi kúıip, aýrýhanada jatyr.

Kyoto Animation kompanııasynyń keńsesi ornalasqan úsh qabatty ǵımaratqa eleýli zalal tıdi. Jalyndy joıýǵa 30 órt sóndirý jasaǵy jumyldyryldy. Órt bes saǵatta sóndirildi, ǵımarattyń ekinshi jáne úshinshi qabattary qatty zaqymdanǵan.

Japonııanyń premer-mınıstri Sındzo Abe beısenbi kúni qaza tapqandardyń otbasylaryna kóńil aıtyp, órt kezinde zardap shekkenderge tez aıyǵyp ketýge tilek bildirdi.


Basty sózder: Oqıǵa, Álem,
Joǵary qaraı