Awa rayı
Nur-Sultan 23 °S
Almatı 25 °S
valyuta bağamı
USD 377.18
EUR 426.14
RUB 5.98
CNY 54.86

QKXP öz kandïdatın qoldaw üşіn sporttıq akcïya ötkіzdі

2019 jıldıñ 25 mamır 2019 19:44 840

NUR-SULTAN. QazAqparat - Qazaqstannıñ kommwnïstіk xalıq partïyası öz kandïdatın qoldaw üşіn Nur-Sultan qalasınıñ ortalıq sayabağında «Bolaşaq bіzden bastaladı» attı awqımdı akcïya ötkіzdі. Bul jönіnde partïyanıñ baspasöz qızmetі xabarladı.

Şara şeñberіnde salamattı ömіr saltı nasïxattalıp, jügіrw marafonı uyımdastırıldı.

Marafonğa QKXP OK xatşısı, Parlament Mäjіlіsіndegі «Xalıq kommwnïsterі» frakcïyasınıñ-respwblïkalıq saylawaldı ştabtıñ jetekşіsі Ayqın Qoñırov bastağan partïya aktïvі, QKXP Qazaqstan Kommwnïstіk Jastar odağınıñ belsendіlerі, erіktіler men sportsüyer qawım, QKXP atınan kezekten tıs prezïdent saylawına qatısıp jatqan ümіtker Jambıl Axmetbekovtıñ ügіt-nasïxat tobı men qala turğındarı qatıstı.

Jüzden astam adam sap tüzep, bіr mezette jattığw jasadı, urandadı. Jappay jügіrwge qatısqan adamdar Qazaqstan Kommwnïstіk Xalıq partïyasına nazar awdartıp, buqaranı QKXP ümіtkerіn qoldawğa şaqırdı.

Іs-şara barısında ortalıq sayabaqta QKXP-nıñ bayrağı jelbіrep, demalwşılarğa ümіtkerdіñ bannerlerі men plakattarı körsetіldі. Ügіt paraqtarı taratılıp, saylawaldı tuğırnama tüsіndіrіldі.

 

 

 

Bastı sözder: Nur-Sultan, Partïyalar, Saylaw, Saylaw 2019,
Joğarı qaray