Aýa raıy
Astana 0 °S
Almaty 7 °S
valıýta baǵamy
USD 388.70
EUR 428.70
RUB 6.08
CNY 55.46

Kókshetaýda alıment tóleýden qashyp júrgen áke 3 táýlikke qamaldy

2019 jyldyń 11 qazan 2019 19:28

KÓKShETAÝ. QazAqparat - Kókshetaýda alıment tólemegen «kókek» áke 3 táýlikke qamaýǵa alyndy, dep habarlaıdy QazAqparat tilshisi Aqmola oblystyq prokýratýrasynyń baspasóz qyzmetine silteme jasap.

«Mundaı jaza alımentti óndirip alý týraly sot sheshimin oryndamaǵany úshin Kókshetaý qalalyq ákimshilik sotynyń qaýlysy boıynsha taǵaıyndaldy», deıdi vedomstvodan.

Ákimshilik isti Kókshetaý qalalyq prokýratýrasy kámeletke tolmaǵan úsh balany asyrap otyrǵan qala turǵynynyń ótinishin qaraǵan soń qozǵady. Prokýrorlar atalmysh azamattyń alıment qaryzy osy jyldyń 1 qazanynda 600 myń teńgeden asqanyn anyqtady.

«Jalpy, jyl basynan beri osyndaı quqyq buzý faktileri úshin alıment tólemegen 20 adam ákimshilik jaýapkershilikke tartyldy. Sot úkimin, sot sheshimin nemese ózge sot aktisin jáne atqarý paraǵyn oryndamaǵany úshin QR ÁQbK 669-baby boıynsha 5 táýlikke deıin qamaýǵa alý jazasy qarastyrylǵan» dep tolyqtyrdy vedomstvodan.

Alımentti 3 aıdan astam ýaqyt tólemegen jaǵdaıda eki jylǵa deıin bas bostandyǵynan aıyrýdy kózdeıtin Qylmystyq kodekstiń 139-baby boıynsha jaýapkershilik bar.

Avtor Aslan Ospanov
Basty sózder: Aqmola oblysy, Sot, Qoǵam, Prokýratýra, Zań,
Joǵary qaraı