Aýa raıy
Astana -7 °S
Almaty -1 °S
valıýta baǵamy
USD 388.81
EUR 429.01
RUB 6.08
CNY 55.49

Kókshetaýda bireýdiń atyna onlaın nesıe rásimdegen kúdikti ustaldy

2019 jyldyń 14 qazan 2019 22:46

KÓKShETAÝ. QazAqparat – Kókshetaý qalasynda bóten bireýdiń atyna onlaın nesıe rásimdegen kúdikti ustaldy, dep habarlaıdy QazAqparat tilshisi Aqmola oblystyq PD baspasóz qyzmetine silteme jasap.

Vedomstvonyń deregi boıynsha, 12-shi qazan kúni Kókshetaý qalalyq polıtsııa bólimine 30 jastaǵy jergilikti turǵyn aryzdanǵan.

Zardap shegýshiniń málimdeýinshe, belgisiz adamdar onyń atyna bank arqyly onlaın nesıe rásimdegen. Atyna nesıe rásimdelgeni týraly ol ózine bankten telefon arqyly habarlasyp, tólem jasaý týraly aıtqan kezinde biraq bildi.

«Jedel izdestirý sharasy kezinde bir táýliktiń ishinde alaıaqtyǵy úshin buryn sotty bolǵan kúdikti ustaldy. Ol zardap shegýshiniń áriptesi arqyly nesıe kartasy týraly málimetterdi bilip, uıaly telefonnyń kómegimen onlaın nesıe rásimdegen. Qazirgi kezde polıtsııa qyzmetkerleri kúdiktiniń osyndaı ózge qylmystarǵa qatysy bar-joǵyn anyqtaý ústinde», deıdi vedomstvodan.

Sonymen qatar, tártip saqshylary azamattardy saq bolýǵa shaqyrady. Ásirese, jeke kýálikteriniń kóshirmesin ózge adamdarǵa bermeýdi usynady. Sondaı-aq, ınternet saıttardaǵy arzan baǵaǵa tehnıka satý týraly jarnamalar men usynystarǵa aldanbaýdy suraıdy.

Avtor Aslan Ospanov
Basty sózder: Aqmola oblysy, Qylmyspen kúres,
Joǵary qaraı