Aýa raıy
Astana 16 °S
Almaty 14 °S
valıýta baǵamy
USD 386.91
EUR 428.81
RUB 5.79
CNY 54.79

Kólik polıtseıleri sheberlikterin shyńdaý boıynsha oqý-jattyǵý sabaqtaryn ótkizdi

2019 jyldyń 17 shilde 2019 18:53 276

ALMATY. QazAqparat - Búgin Kólik polıtseıleri sheberlikterin shyńdaý boıynsha oqý-jattyǵý sabaqtaryn ótkizdi, dep habarlaıdy QazAqparat Kóliktegi polıtsııa departamentiniń baspasóz qyzmetine silteme jasap.

Almaty 1 stantsııasyndaǵy Jelilik polıtsııa basqarmasynyń aýmaǵynda Kóliktegi polıtsııa departamenti Arnaıy jáne jumyldyrý daıarlyq basqarmasynyń qyzmetkerleri Almaty polıtsııa departamenti qyzmetkerlerimen birlese, ekstremaldyq jaǵdaılar týyndaǵan kezdegi bastapqy sharalardy oryndaý boıynsha teorııalyq jáne praktıkalyq sabaqtardy ótkizdi.

«Qyzmettik mindetterin oryndaý kezinde polıtsııa qyzmetkerleri quqyq buzýshylardyń baǵynbaý is-áreketterimen jıi betpe-bet keledi. Bul daıarlyqtyń polıtsııa qyzmetkerleriniń kásibı sheberlikteriniń mańyzdy komponenti bolyp tabylatyndyǵy jáne kúndelikti qyzmette ekstremaldyq jaǵdaılardyń týyndaýy kezinde zor mańyzǵa ıe ekendigi sózsiz»- dep atap ótti Kóliktegi polıtsııa departamentiniń bastyǵy polıtsııa polkovnıgi Amanjol Qabylov.

Oqý-jattyǵý sabaqtarynyń barysynda qatysýshylaraǵa strategııalyq mańyzdaǵy obektilerge shabýyl jasaý qaýpi tóngen kezdegi kezekshi-jasaqtyń is-áreketiniń algorıtimi egjeı-tegjeıli túsindirildi. Osyndaı jaǵdaılar kezinde qyzmetker belgili bir fýnktsııalardy bilýi jáne naqty oryndaýy qajet.

Budan soń jedel toptardyń vıdeomaterıaldar, sondaı-aq qarýly qylmyskerlerge qarsy qoldanatyn arnaıy quraldar kórsetildi.




Budan basqa qurama jasaq qyzmetkerleri ózderiniń daǵdarystyq jaǵdaılar týyndaǵan kezdegi arnaıy quraldardy qoldana otyryp, jasaıtyn kásibı mashyqtaryn pash etti.

Іs-sharanyń sońynda temir jol vokzaldary men áýejaılardan kúdikti zat taýyp alý kezindegi patrýldik qyzmettiń kezekshi jasaqtarynyń bastapqy is-áreketteri kórsetildi. Sonymen qatar kezekshi jasaqtardyń, jedel-tergeý toptarynyń, jarylǵysh tehnıgi mamandarynyń jáne kınologııalyq qyzmet mamandarynyń qyzmettik-izdestirý ıtterimen birge júrgizetin is-áreketteri pysyqtaldy.

Óz kezeginde jarylǵysh tehnıka mamandary jarylǵysh zattardy zalalsyzdandyratyn arnaıy tehnıkamen tanystyrdy.

Jalpy, alǵa qoıylǵan barlyq mindetter tabysty oryndaldy. Kólik polıtseıleri áskerı daıarlyqtarynyń joǵary deńgeıde ekendigin kórsetti.

Jattyǵýdyń qorytyndysy boıynsha Departament basshylyǵy barlyq jumyldyrylǵan qyzmetterdiń birlesken is-qımylyna oń baǵa berdi.





Basty sózder: Almaty, QR ІІM, Qaýipsizdik,
Joǵary qaraı