Aýa raıy
Astana 1 °S
Almaty 5 °S
valıýta baǵamy
USD 388.81
EUR 429.01
RUB 6.08
CNY 55.49

Kólikti aıdap ketip, izin sýytý úshin ony órtep jibergen ury ustaldy

2019 jyldyń 18 qazan 2019 11:30

TÚRKІSTAN. QazAqparat - Shymkent qalasynyń turǵyny Tólebı APB-ne jazǵan aryzynda kóligin belgisiz bireýlerdiń aıdap ketkenin kórsetken, dep habarlaıdy QazAqparat Polıtsııa departamentiniń baspasóz qyzmetine silteme jasap.

Ol keshki ýaqytta aýyl ishindegi dámhananyń birine kirip shyqqan kezinde mashınasy ornynda joq bolyp shyqqan.

Atalǵan jaıt sotqa deıingi tergep-tekserýdiń biryńǵaı tizilimine engizilip, QR QK-niń 200-baby «Avtomobıldi nemese ózge de kólik quraldaryn urlaý maqsatynsyz zańsyz ıelený» boıynsha tirkeldi.

Oqıǵa ornyna jetken polıtseılerdiń anyqtaýynsha, jábirlenýshi kafege kirerde kiltin otaldyrǵyshynda qaldyryp, esigin qulyptamaı ketken. Sodan satýǵa alyp kelgen zattaryn kórsetý úshin dámhanaǵa kirip, 15 mınýttan soń shyqqanynda kóligi joq bolǵan. Jábirlenýshiniń aıtýynsha, avtokóliktiń ishinde 48 dana ıissý, samsýng markaly 2 dana uıaly telefon jáne 10 myń teńge aqshasy bolǵan. Jábirlenýshige keltirilgen jalpy shyǵynnyń kólemi 1,5 mıllıonǵa jýyq teńgeni qurady. Oryn alǵan qylmysty ashý, kúdiktini ustaý maqsatynda tólebılik polıtseıler jaqyn aımaqtardy aralap shyǵyp, kýágerlerden surastyryp, aqparat jınady. Nátıjesinde kúdikti retinde Tólebı aýdanynyń turǵyny, burynda urlyq jasap sotty bolǵan jas jigit qurylysy bitpegen úıdiń ishinde qolǵa tústi.

Tergeý barysynda, kúdiktiniń túngi ýaqytty jáne bógde adamdardyń joqtyǵyn paıdalanyp, ashyq turǵan avtokólikti aıdap ketkendigi anyqtaldy. Sondaı-aq, kólikti óz qajettiligine paıdalanyp, onyń janarmaıy taýsylǵan soń ustalyp qalmaý úshin órtep jibergeni belgili boldy.

Baýkespeniń budan ózge Tólebı aýdanynda 2 turǵyn úıdi úptep ketkeni anyqtaldy. Birinshi urlyqqa túsken turǵyn úıden altyn júzik pen 8000 teńgelik sporttyq aıaq kıimdi jymqyrǵan. Kelesi úıden erler saǵaty men uıaly telefonyn jáne jamylǵylardy qoldy qylǵandyǵy belgili boldy. Ol óz kinásin tolyq moıyndap otyr. Kúdikti qamaýǵa alyndy.
Ol QR QK-niń 188-baby, 200-baby, 202-baptarynda kózdelgen qylmystyq quqyqbuzýshylyqty jasaǵan. Atalmysh 3 bap boıynsha is qozǵaldy. Qazirgi tańda basqa da isterge qatystylyǵy tekserilýde. Tergeý amaldary júrgizilýde.
Joǵary qaraı