Aýa raıy
Astana 25 °S
Almaty 24 °S
valıýta baǵamy
USD 386.82
EUR 428.67
RUB 5.86
CNY 54.95

Qorǵanys mınıstri Arys qalasyna keldi

2019 jyldyń 7 shilde 2019 20:02 1035

ARYS. QazAqparat - Búgin, 7 shildede Qorǵanys mınıstri Nurlan Ermekbaev Arys qalasyna keldi, dep habarlaıdy QazAqparat vedomstvonyń baspasóz qyzmetine silteme jasap.

Jumys sapary kezinde general-maıor Nurlan Ermekbaev qala mańyn aınala ushyp, arsenal men tóńirektegi aýmaqty túgel sholyp shyqty, sondaı-aq oq-dári bólshekterin joıý jumysymen tanysty.

Oqıǵa ornynda osy jumysty atqaryp júrgen ınjenerlik-saperlik, materıaldy-tehnıkalyq bólimshelerdiń jeke quramy men áskerı órt sóndirýshilerge qaýipsizdik sharalaryn saqtaý jóninde nusqaý berildi. Qorǵanys vedomstvosynyń basshysy birqatar naqty tapsyrma júktedi. Birinshi kezekte azamattyq tulǵalardyń qaýipsizdigin saqtaý, ekinshiden, oq-dárini izdeý jáne joıý jumysymen aınalysyp jatqan áskerı qyzmetkerlerdiń qaýipsizdigi asa mańyzdy.  



null

Sondaı-aq, mınıstr aýa raıynyń qolaısyzdyǵyna qaramastan kúndiz-túni tynbaı eńbektenip júrgen QR Qarýly kúshteri bólimsheleriniń jeke quramymen kezdesti. Joǵary bas qolbasshy atap ótkendeı, tótenshe jaǵdaı saldaryn joıýǵa atsalysqan áskerılerdiń eńbegi jaýyngerlik tapsyrmany oryndaýmen teń.



null

Arys qalasyna Nurlan Ermekbaevpen birge Qorǵanys mınıstrliginiń bas ınspektsııasy da keldi. Olar tótenshe jaǵdaıdyń sebebin anyqtaý úshin ishki qyzmettik tekseris júrgizedi.



null

Eske sala keteıik, buǵan deıin aımaqta bútin oq-dárini alyp ketý jáne oq-dári bólshekterin joıý jumystary júrip jatqany habarlanǵan bolatyn. Bul jumystar qala turǵyndaryna qaýip týǵyzbaıdy.



null

 

 

 

Joǵary qaraı