Aýa raıy
Astana 5 °S
Almaty 7 °S
valıýta baǵamy
USD 388.96
EUR 432.21
RUB 6.09
CNY 54.99

Qorlan Jaqansha álem chempıonatynyń kúmis júldegeri atandy

2019 jyldyń 15 qyrkúıek 2019 19:33

NUR-SULTAN. QazAqparat - Elorda tórinde kúres túrlerinen ótip jatqan álem chempıonatynda Qazaqstan qorjynyna alǵashqy kúmis medal tústi, dep habarlaıdy QazAqparat tilshisi.

55 keli salmaqta el namysyn qorǵap jatqan grek-rım kúresiniń sheberi Qorlan Jaqansha fınalda qarsylasyna jol berip, kúmis júldeger atandy.

Ol fınalda grýzııalyq balýan Nýgzarı Tsýrtsýmııadan utylyp qaldy.

Búgin sport súıer qaýym «Qorlan Jaqansha 20 jyl ańsaǵan altynǵa» qol jetkizedi dep úmittengen bolatyn. Ókinishke qaraı, sheshýshi synda kútpegen jerden qarsylasy Nýgzarı Tsýrtsýmııa qazaqstandyq balýandy ýaqytynan buryn utyp ketti.

Esterińizge sala keteıik, keshe, ıaǵnı álem birinshiliginiń alǵashqy jarys kúni Jaqansha 2018 jylǵy álem chempıony, ázerbaıjandyq Eldanız Azızlıdi jeńip, fınalǵa shyqqan bolatyn. Asa tartysty ótken beldesýde qazaq balýany qarsylasyn 11:5 esebimen utqan edi.


Avtor Kúnsultan Otarbaı
Basty sózder: Sport,
Joǵary qaraı