Aýa raıy
Astana 2 °S
Almaty 7 °S
valıýta baǵamy
USD 389.94
EUR 433.50
RUB 6.10
CNY 55.13

Qostanaı qalasynyń eks-ákimi jańa qyzmetke taǵaıyndaldy

2019 jyldyń 16 qyrkúıek 2019 10:33

QOSTANAI. QazAqparat – Qostanaı qalasynyń burynǵy ákimi Bazyl Jaqypov «Tobyl» áleýmettik-kásipkerlik korporatsııasynyń basqarma tóraǵasy bolyp taǵaıyndaldy, dep habarlaıdy QazAqparat.

Búgin oblys ákimi Arhımed Muhambetov oblys aktıvine «Tobyl» áleýmettik-kásipkerlik korporatsııasynyń basqarma tóraǵasyn tanystyrdy. Bul qyzmetke Qostanaı qalasynyń burynǵy ákimi Bazyl Shamuhanuly Jaqypov keldi.

«Bazyl Jaqypovtyń tájirıbesi mol. Óńirdegi kásipkerlik salasyn damytýǵa úles qosady dep senemin. «Tobyl» ÁKK AQ Dırektorlar keńesi Bazyl Shamuhanulynyń kandıdatýrasyn qoldady», - dedi Arhımed Muhambetov.

Bazyl Jaqypov Tselınograd aýylsharýashylyq ınstıtýtyn agronom, Almaty ekonomıka jáne statıstıka akademııasyn qarjy mamandyǵy boıynsha bitirdi.

2004 jyly memlekettik qyzmetke kirdi. 2008 - 2019 jyldar aralyǵynda Qostanaı qalasy ákiminiń orynbasary, Qostanaı oblysy ákiminiń aýyl sharýashylyǵy jónindegi orynbasary, Qostanaı qalasynyń ákimi qyzmetterin atqardy.


Joǵary qaraı