Aýa raıy
Astana -10 °S
Almaty -1 °S
valıýta baǵamy
USD 388.70
EUR 428.70
RUB 6.08
CNY 55.46

Qostanaı oblysynda aýyr atletıka alańy ashyldy

2019 jyldyń 18 qazan 2019 06:27

QOSTANAI. QazAqparat – Qostanaı oblysynyń Áýlıekól aýdanyndaǵy I.Sıanov atyndaǵy orta mektepte aýyr atletıka zaly ashyldy, dep habarlaıdy QazAqparat.

Saltanatty rásimge Áýlıekól aýdany ákimi Erlan Temenov, oblystyq Jastar saıasaty máseleleri basqarmasynyń basshysy Marat Jurqabaev jáne Qostanaı oblysy aýyr atletıka federatsııasynyń prezıdenti Mahmýt Tursynov qatysty.

«Aýyr atletıka zalynyń ashylýy bizdiń óńirimiz úshin ǵana emes, oblys úshin aıtýly jańalyq. Sońǵy jyldary sport ınfraqurylymyna aıryqsha mán berilip otyr. Zamanaýı úlgidegi sport jabdyqtary alyndy. Jergilikti ákimdik qoldaýymen ashylǵan bul alańnan álem chempıondary, talaı sport sheberleri shyǵady dep senemin. Óıtkeni, bizdiń bapkerler quramy respýblıkaǵa tanymal ziltemirshilerdi baptaǵan. Jańa nysan tyń nátıje, tolaıym tabys ákelsin», - dedi aýdan ákimi Erlan Temenov. Federatsııa prezıdenti Mahmýt Tursynov sport nysanyna jaqyn kúnderi jańa ziltemir syılaýǵa ýáde berdi.




Saltanatty shara barysynda, Jastar saıasaty máseleleri basqarmasynyń basshysy Marat Jurqabaev aýyr atletıkadan jattyqtyrýshy Evgenıı Krýpskııge jáne onyń oqýshysy respýblıkalyq jəne oblystyq jarystardyń birneshe dúrkin jeńimpazy Aleksandr Trınkoǵa qurmet gramotalaryn tabys etti. 8-synyp oqýshysy Egor Levchenkonyń aıtýynsha, jas sportshylar jańa aýyr atletıka zalynyń ashylýyn kópten kútken. «Bizdiń aýdanda oblys ortalyǵyndaǵydaı jattyǵý zaly paıda boldy. Ózim bir jarym jyl aýyr atletıkamen aınalysyp, sport mektebine baryp júrgenmin. Endi, alysqa barmaı-aq daıyndalýǵa bolady», - deıdi Egor Levchenko.




Joǵary qaraı