Aýa raıy
Astana -8 °S
Almaty 13 °S
valıýta baǵamy
USD 389.98
EUR 434.01
RUB 6.10
CNY 55.04

Qostanaı oblysynda Erik Asanbaevqa eskertkish qoıyldy

2019 jyldyń 17 qyrkúıek 2019 04:32

QOSTANAI. QazAqparat – Áýlıekól aýdanynyń ortalyǵynda belgili memleket qaıratkeri, elimizdiń tuńǵysh vıtse-prezıdenti Erik Asanbaevqa ornatylǵan eskertkish-músinniń ashylý saltanaty ótti, dep habarlaıdy QazAqparat.

Eskertkish-músinniń ashylý saltanatyna aýdan basshylary, Erik Asanbaevtyń zamandastary, týystary qatysty. Músin Baıtursynov kóshesiniń boıynda ornalasqan.Óńirge belgili dáriger Ysqaq Esirgepovtiń sózinshe, Erik Asanbaevtyń ákesi Maǵzum «halyq jaýy» degen aıyppen atylyp ketipti. Al jaqyn týysy Myrzaǵazy Esboluly Alash ardaqtylarymen úzeńgiles júrgen, qazaq eli úshin naǵyz kúresker bolǵan. Ol da 30-jyldardyń qýǵyn-súrgininen tys qalmady, jazyqsyz atylǵan.





«Erik Asanbaev óte bilimdi, talapshyl kisi edi. «Halyq jaýynyń» uly, týysy retinde de kóp syry ishte boldy. Táýelsizdigimizdi alǵanda erekshe qýanyshpen, jigermen onyń irgetasyn bekitýge bar bilimin, kúshin sarqa eńbek etti. Erik Asanbaev 20 jylǵa jýyq Qazaq KSR mınıstrler keńesi men Qazaqstan kompartııasy ortalyq komıtetiniń apparatynda jumys istedi. 1988-1989 jyldary Nursultan Nazarbaevtyń orynbasary retinde abyroıly qyzmet etti», – dep eske aldy ol. Erik Asanbaev 1936 jyly Qostanaı oblysy, Amangeldi aýdany, Baıǵabyl aýylynda dúnıege kelgen. 1991 jyldyń sáýir–qazanynda Qazaq KSR-i Joǵary Keńesiniń tóraǵasy, 1991–1996 jyly QR vıtse-prezıdenti, 1994–1996 jyly QR Prezıdenti janyndaǵy adam quqyqtary jónindegi komıssııanyń tóraǵasy qyzmetterin atqardy. 1996 jyly aqpannan QR-nyń GFR-degi Tótenshe jáne ókiletti elshisi bolǵan. Bul qyzmette júrgende Berlın qalasynda Abaıǵa kóshe atyn berýge kóp eńbek sińirgen. Aıta keteıik, Erik Asanbaevqa eskertkish-músindi onyń balalary Maqsut pen Mıras óz qarajattaryna ornatty.
Joǵary qaraı