Aýa raıy
Astana 17 °S
Almaty 13 °S
valıýta baǵamy
USD 386.80
EUR 429.27
RUB 5.78
CNY 54.89

Qostanaı oblysynda otbasyn qoldaý resýrstyq ortalyǵy ashyldy

2019 jyldyń 10 shilde 2019 01:44 941

 QOSTANAI. QazAqparat - Qostanaı oblysynyń kámeletke tolmaǵandar isteri jónindegi mamandandyrylǵan aýdanaralyq sotynda otbasyn resýrstyq qoldaý ortalyǵynyń saltanatty ashylýy ótti, dep habarlaıdy QazAqparat.

Bul ortalyqtyń maqsaty - otbasy qundylyqtaryn nyǵaıtý, turmystaǵy problemalardy erte anyqtaý, turǵyndarǵa psıhologııalyq, quqyqtyq, pedagogıkalyq jáne basqa da konsýltatıvtik-ádistemelik kómek kórsetý. Ortalyq Qostanaı oblysynyń Kámeletke tolmaǵandardyń isteri jónindegi mamandandyrylǵan aýdanaralyq sotynyń ǵımaratynda ornalasqan.

Kún saıyn 09.00-18.30 aralyǵynda ártúrli deńgeıdegi 7 maman jumys isteıdi. Olar: eki psıholog, narkolog, medıator, áleýmettik pedagog, zańger jáne qoǵammen baılanys jónindegi maman. Budan basqa, Qostanaı qalasy ákimdiginiń halyqty jumyspen qamtý ortalyǵynyń mamandary, jeke sot oryndaýshylarynyń oblystyq palatasy, qorǵanshylyq mekemeleri juma saıyn qyzmet kórsetedi. Kez kelgen azamat ortalyqqa baryp, tıisti kómek ala alady deıdi mamandar. 

«Ortalyqtyń ashylýy búgingi kúnniń talabynan týyndady. Bizdiń elde árbir úshinshi neke buzylady, árbir besinshi bala jalǵyzbasty otbasynda ósedi. Muny statıstıka dáleldep otyr. Adamdar psıhologtyń, medıatordyń, narkologtyń kómegine muqtaj. Buryn «Otbasylyq sot» pılottyq jobasyn iske asyrýdyń bastapqy kezeńinde joǵaryda atalǵan mamandardyń qyzmetteri týraly suraq týyndady. Osy ortalyqty qurý arqyly kóptegen máseleni sheshemiz», - dep atap ótti sot tóraǵasy K.Sharmuhametova.



null 

 

 

Joǵary qaraı