Aýa raıy
Astana 0 °S
Almaty 7 °S
valıýta baǵamy
USD 389.94
EUR 433.50
RUB 6.10
CNY 55.13

Qostanaı oblysynyń áleýmettik nysandary jylý maýsymyna daıyn

2019 jyldyń 12 qyrkúıek 2019 01:27

QOSTANAI. QazAqparat – Qostanaı oblysynyń áleýmettik nysandary men jeke turǵyn úıleri jylý berý maýsymyna daıyn. Bul týraly búgin óńirlik kommýnıkatsııalar qyzmetinde oblys ákiminiń birinshi orynbasary Ǵaýez Nurmuhambetov málim etti, dep habarlaıdy QazAqparat.

Qazirgi ýaqytqa saı oblystaǵy barlyq áleýmettik nysan men turǵyn úı sektorlary kestege sáıkes jylý berý maýsymyna daıyndyq jumystaryn tyńǵylyqty atqarýda. Óńirde jylý berý maýsymy resmı túrde 1 qazannan bastalady. Aýa temperatýrasy kúrt tómendegen jaǵdaıda jylý berý jumystary belgilengen kúnnen buryn bastalady. Bul týraly oblys ákiminiń birinshi orynbasary aıtyp berdi.

«Qostanaı oblysynyń aldaǵy kúzgi-qysqy kezeńdegi jumysqa daıyndyǵy aıaqtalýǵa jaqyn. Jóndeýdi tek qana elektr jabdyqtary bar, ony jóndeý astyq jınaý naýqany saldarynan qazan aıynda aıaqtalady. Jalpy oblys boıynsha 105 qazandyq, 736 jylytýdyń avtonomdyq júıesi saqadaı saı. Jóndeýge josparlanǵan 18,1 shaqyrym jylý jelileriniń 18,3 shaqyrymy, 88,1 shaqyrym sý qubyry-káriz júıeleri 104%, elektr júıeleriniń 87% jóndeýden ótti. Áleýmettik sala jáne turǵyn úı qory tolyq daıyn. Bilim berý, densaýlyq saqtaý jáne áleýmettik nysandar jylý berý maýsymyna júz paıyz daıyn. Bilim berýdiń 734 obektisi, densaýlyq saqtaý salasynyń 488 obektisi, 701 áleýmettik obekti, 2645 kóp qabatty úı jylý berý maýsymyna ázir», — dedi Ǵaýez Nurmuhambetov.

Búginde jylý berý maýysymyna qajetti 485,1 myń tonna kómirdiń 334,6 myń tonna kómiri daıyn. Al bıýdjettik uıymdar úshin qajetti 104,3 myń tonnadan 92,1 myń tonna ázirlengen. Al basqa da oblys turǵyndaryna 327,5 myń tonna kómirdiń 228,7 myń tonnasy jetkizilgen. Qara otyndy tasýda irkilis joq. Oblystyń aldaǵy jylý berý maýsymyna daıyndyǵy jergilikti bıliktiń turaqty baqylaýynda.


Joǵary qaraı