Aýa raıy
Astana 0 °S
Almaty 5 °S
valıýta baǵamy
USD 389.98
EUR 434.01
RUB 6.10
CNY 55.04

Qostanaı polıtseıleri qoǵamdyq kólikterdegi tekseristi kúsheıtpek

2019 jyldyń 18 qyrkúıek 2019 05:22

QOSTANAI. QazAqparat – Qostanaı oblysynda avtobýstar tekserýden ótedi. Bul týraly Qostanaı oblysy polıtsııa departamentiniń bastyǵy Beket Aımaǵambetov patrýldik polıtsııanyń garnızondyq jıynynda málim etti, dep habarlaıdy QazAqparat.

Departament bastyǵy jıyn barysynda Memleket basshysynyń Qazaqstan halqyna Joldaýynda qoıylǵan, sondaı-aq QR Іshki ister mınıstrligi belgilegen basym mindetterge toqtaldy. Buǵan qosa qoǵamdyq kólikterdiń tekserilýine baılanysty málimdeme jasady.

«Polıtsııa – memlekettiń kúsh quraly retinde emes, azamattarǵa olardyń qaýipsizdigin qamtamasyz etý úshin qyzmet kórsetý jónindegi organ. Joldaýda adamdardyń qajettilikterine jedel den qoıý memlekettik organdar qyzmetiniń basty basymdyǵy ekeni atap ótildi. 2019-2021 jyldarǵa arnalǵan ishki ister organdaryn jańǵyrtý jónindegi Jol kartasy da osyǵan baǵyttalǵan. Negizi, oblysta jyl basynan beri avtobýs júrgizýshileriniń qatysýymen 2 jol-kólik oqıǵasy bolǵan. Atalǵan apattarǵa avtobýs júrgizýshileri kináli ekeni dáledengen. Avtobýstardyń tehnıkalyq jaǵdaıyna nazar aýdarý qajet jáne tizginshiniń «D» sanatyndaǵy júrgizýshi kýáligi mańyzdy. Aldaǵy ýaqytta oblystaǵy qoǵamdyq kólikter tolyǵymen tekserýden ótedi», - dep atap polıtsııa basshysy.




Jalpy, osydan bir jyl buryn oblys ortalyǵynyń patrýldik polıtsııa qyzmetkerleri avtopatrýlder men statsıonarlyq beketterdiń kezekshilerin qysqartý esebinen jaıaý patrýldeýge aýystyryldy.

General aqparatyna súıensek, óńirde jyl basynan beri patrýldik polıtsııa qyzmetkerlerimen 500-ge jýyq qylmystyq is jedel ashylyp, 70 myńnan astam ákimshilik quqyq buzýshylyq anyqtaldy.








Joǵary qaraı