Aýa raıy
Astana -8 °S
Almaty -3 °S
valıýta baǵamy
USD 389.34
EUR 428.78
RUB 6.05
CNY 55.45

Qostanaıda pırotehnıkadan Mádenıet úıiniń 700 sharshy metr aýmaǵy janyp ketti

2019 jyldyń 13 qazan 2019 13:52

QARABALYQ. QazAqparat – Qostanaı oblysynda aýyldyq Mádenıet úıinen órt shyqty. Aldyn ala málimet boıynsha, jalyn pırotehnıkalyq zattardy qoldanýda qaýipsizdik saqtamaýdan tutanǵan, dep habarlaıdy QazAqparat.

«12 qazan kúni saǵat 22:18-de órtke qarsy qyzmettiń pýltine Qostanaı oblysynyń Qarabalyq aýdanyndaǵy Qarabalyq kentinde Mádenıet úıi órtenip jatqany týraly habarlama tústi. Alǵashqy qutqarýshylar jetken ýaqytta shatyrdaǵy jylytý materıaldary byqsyp jatqany, saldarynan ǵımarattyń shatyrynda jalyn tutanǵany anyqtaldy. Órttiń taralýy 02:12-de toqtatylyp, saǵat 05:06-da tolyǵymen sóndirildi. Jalyn sharpyǵan aýmaq 700 sharshy metrdi qurady. Oqıǵanyń aldyna ala sebebi - pırotehnıkalyq buıymdardy qoldanýda qaýipsizdikti saqtamaý», - dep málim etti QR Іshki ister mınıstrligi Tótenshe jaǵdaılar komıtetiniń resmı ókili Nursultan Nurahmetov.

Tilsiz jaýdy aýyzdyqtaýǵa oblystyq Tótenshe jaǵdaılar departamentiniń jeke quramynan 30 adam men 8 kólik jumyldyryldy. Polıtsııa qyzmetkerleri Mádenıet úıiniń aýmaǵyn qorshaýǵa alǵan.

Joǵary qaraı