Aýa raıy
Astana -8 °S
Almaty 13 °S
valıýta baǵamy
USD 389.98
EUR 434.01
RUB 6.10
CNY 55.04

Qostanaılyq polıtseıler alty myńnan astam adamǵa kómek kórsetti

2019 jyldyń 14 qyrkúıek 2019 00:45

QOSTANAI. QazAqparat – Qostanaı oblysynda respýblıkalyq «Jolda qabyldaý» aktsııasynyń altynshy kezeńi ótti, dep habarlaıdy QazAqparat Qostanaı oblysy PD baspasóz qyzmetine silteme jasap.

Aktsııa Abaı dańǵyly boıyndaǵy «Emshan» jáne «Astyqjan» saýda ortalyqtarynyń mańynda uıymdastyryldy. Turǵyndarǵa Qostanaı obylsy polıtsııa departamenti ákimshilik polıtsııa basqarmasynyń bastyǵy, polıtsııa polkovnıgi Andreı Grıgorevskıı jáne Kóshi-qon qyzmeti basqarmasynyń bastyǵy, polıtsııa polkovnıgi Qaırat Dútpaev, kadr saıasaty basqarmasynyń aǵa ınspektory, polıtsııa maıory Erık Múslimov qyzmet kórsetti. Qala turǵyny Asqar Júndibaev keıbir júk kóliginiń ıeleri saýda ortalyqtarynyń aýmaǵyndaǵy jol belgilerin nazarǵa ilmeıtinin aıtyp shaǵymdandy. Onyń bul ótinishin eskergen polıtseıler dereý iske kirisip, tekeseris sharalaryn júrgizdi. Aldaǵy ýaqytta qaýipsizdik sharalary kúsheıtiletin bolady.
Qabyldaýdaǵy suraqtardyń basym bóligi jol qozǵalys erejelerine qatysty boldy. Reseı Federatsııasynyń azamaty Ilıa Lızagýb Qazaqstannyń kólik júrgizýshi kýáligin alǵysy keledi. Oǵan tıisti qujattardy jınap, mamandandyrylǵan halyqqa qyzmet kórsetý ortalyǵyna qaıta júginý kerektigin túsindirdi. Kórsetilgen kómekke kórshiles eldiń azamaty da dán rıza.
«Óte paıdaly shara eken, kóptegen quqyqtyq keńes aldym. Halyqpen tikeleı jumys árqashan jemisin beredi», - deıdi reseılik azamat.
Búgingi aktsııada oblys boıynsha 500-den astam adam qabyldaýǵa kelip, quqyqtyq kómekke qol jetkizdi. Sondaı-aq, polıtsııa departamentiniń áleýmettik jelidegi resmı paraqshalarynda tikeleı efır júrgizilip, 300-den astam jeli qoldanýshysy tamashalady.
Atalǵan aktsııa aıasynda Qostanaı oblysy boıynsha 6 366 turǵynǵa kómek kórsetildi.


Joǵary qaraı