Aýa raıy
Astana -8 °S
Almaty -3 °S
valıýta baǵamy
USD 389.34
EUR 428.78
RUB 6.05
CNY 55.45

QPL: «Tobyl» óz alańynda «Ordabasydan» jeńilip qaldy

2019 jyldyń 20 qazan 2019 19:20

NUR-SULTAN. QazAqparat - Búgin fýtboldan Premer-lıga komandalary arasyndaǵy Qazaqstan birinshiliginiń 30-týryndaǵy úsh oıyn ótkizildi, dep habarlaıdy QazAqparat tilshisi.

Búgingi alǵashqy oıyn Qostanaı qalasynda boldy. Jergilikti «Tobyl» óz alańynda Shymkenttiń «Ordabasy» komandasyn qabyldady. Bul kezdesýde shymkenttik klýb 2:1 esebimen jeńiske jetti. Aldymen 31-mınýtta «Tobyl» fýtbolshysy Azat Nurǵalıev esep ashty. Odan keıin 37-mınýtta «Ordabasy» sapynan Joao Paolo tarazy basyn teńestirse, 51-mınýtta shymkenttik taǵy bir fýtbolshy Zıkı Badıbanga qorytyndy esepti belgiledi. Budan keıin «Tobyldyń» chempıondyqqa qol jetkizý múmkindigi azaıdy. Al «Ordabasy» úshin úzdik úshtikke kirý múmindigi artty.

Al «Taraz» ben Qaraǵandy qalasynda ótkizilgen oıynda esep ashylǵan joq. Qos komanda teń nátıjege qanaǵat bildirdi.

«Aqtóbe» óz alańynda Kókshetaýdyń «Oqjetpesine» 1:2 esebimen jol berdi. Kezdesý barysynda kókshetaýlyq komanda sapynan Danılo Almeıda 35-mınýtta óz komandasyn alǵa shyǵarsa, 38-mınýtta aqtóbelik shabýylshy Markos Pızzelı tarazy basyn teńestirdi. Jeńis golyn 48-mınýtta «Oqjetpes» qatarynan Artem Dmıtrıev soqty.

Bul týrdaǵy eki oıyn keshe, 19 qazanda ótkizildi. Óz alańynda Pavlodardyń «Ertisi» Qyzylordanyń «Qaısaryn» 2:1 esebimen jeńse, «Atyraý» Taldyqorǵannyń «Jetisýyna» 0:3 esebimen jol berdi.

Bul týrdy búgin elordadaǵy «Astana» men Almatynyń «Qaıraty» arasynday kezdesý qorytyndylaıdy. Oıyn elorda ýaqytymen 20.00-de bastalady. Mamandar atalmysh kezdesýde chempıondyqqa qaı komandanyń qol jetkizý múmkindigi artatyny anyqtalady dep joramal jasap otyr.

Avtor Ádiljan Úmbet
Basty sózder: Sport,
Joǵary qaraı