Aýa raıy
Astana 19 °S
Almaty 26 °S
valıýta baǵamy
USD 384.87
EUR 432.52
RUB 6.11
CNY 55.95

QR ІІM Arysta eki adamnyń qalaı kóz jumǵanyn habarlady

2019 jyldyń 25 maýsym 2019 10:12 1471

NUR-SULTAN. QazAqparat - Іshki ister vıtse-mınıstri ıÝrıı Ilın Arystaǵy jarylys saldarynan eki adamnyń qalaı kóz jumǵanyn aıtty, dep habarlaıdy QazAqparat tilshisi.

«Buǵan deıin habarlaǵanymyzdaı, jarylys saldarynan eki adam qaza tapty. Onyń biri Arys qalasynyń turǵyny bolǵan. Snarıad avtokólikke túsip, onyń ishindegi adam kóz jumdy. Mert bolǵan adamnyń ekinshisi - Qorǵanys mınıstrliginiń áskerı qyzmetshisi. Onyń denesi izdeý jumystary kezinde áskerı bólimnen jaqyn jerden tabyldy», - dedi Úkimet otyrysynan keıin tilshilerdiń suraǵyna jaýap bergen Іshki ister vıtse-mınıstri ıÝrıı Ilın.

Vıtse-mınıstrdiń aıtýyna qaraǵanda, qazirgi ýaqytta oqıǵa ornynda saperler jumys júrgizip jatyr.

Eske sala ketsek, Arys qalasyndaǵy áskerı bólimniń qoımasynda keshe tańerteń jarylys bolǵandyǵy týraly habarlaǵan bolatynbyz. Apat saldarynan eki adam mert boldy.

Túrkistan oblysyna arnaıy barǵan Qazaqstan Prezıdenti Qasym-Jomart Toqaev Arystaǵy áskerı bólimshedegi oq-dári qoımasyndaǵy jarylystan zardap shekken qala turǵyndarymen kezdesip, qalanyń qalpyna keltiriletinine ýáde berdi.

 

 

 

Joǵary qaraı