Aýa raıy
Astana 1 °S
Almaty 5 °S
valıýta baǵamy
USD 388.81
EUR 429.01
RUB 6.08
CNY 55.49

QR Qorǵanys mınıstrliginiń ókilderi Almaty oblysyndaǵy áskerılerdiń jaǵdaıymen tanysty

2019 jyldyń 18 qazan 2019 11:40

NUR-SULTAN. QazAqparat - Qorǵanys mınıstrliginiń aqparattyq-túsindirý toby QR QK Bas shtaby bastyǵynyń orynbasary general-maıor Muhamedjan Talasovtyń basshylyǵymen Saryózek jáne Taldyqorǵan garnızondarynda boldy, dep habarlaıdy QazAqparat.

Mınıstrliktiń baspasóz qyzmetiniń málimetinshe, áskerı bólimder men garnızon mekemelerine barý baǵdarlamasy óte mazmundy boldy. Qorǵanys vedomstvosynyń delegatsııasy áskerı bólimder ornalasqan jerde bolyp, jas ofıtserlerdiń, merzimdi jáne kelisimshart qyzmetiniń áskerı qyzmetshileriniń turý jaǵdaılarymen tanysty.




General-maıor Muhamedjan Talasov jeke qurammen, merzimdi qyzmettegi áskerı qyzmetshilerdiń ata-analarymen kezdesip, barlyq suraqtarǵa jaýap berdi. Sonymen qatar, ol áskerı bólimder men mekemeler komandırleriniń tártiptiń jaı-kúıi, áskerı qyzmetshilerdiń áleýmettik-turmystyq jáne turǵyn úı jaǵdaıy, bólimshelerdegi moraldyq-psıhologııalyq ahýal, problemalyq máseleler týraly baıandamalaryn tyńdady, sondaı-aq QR Prezıdenti Joldaýynyń negizgi erejelerin túsindirdi.

Áskerı qyzmetshiler men olardyń otbasy múshelerine qajetti zań kómek kórsetilip, áskerı qyzmetke, turǵyn úı jáne zeınetaqymen qamtamasyz etýge qatysty máseleler boıynsha keńester berildi.




Іs-sharalar QR QK Ulttyq áskerı-patrıottyq ortalyǵy ártisteriniń kontsertterimen súıemeldendi. Sonymen qatar, AOSK qoıan-qoltyq urys jáne qazaq kúresi boıynsha áskerı sportshylarynyń ónerleri qoıyldy.

Saryózek garnızonyna barý áskerı bólim kúnimen tuspa-tus keldi. Osy boıynsha áskerı jarysta úzdik bolǵan áskerı qyzmetshiler marapattaldy. Olardy QR QK Bas shtaby bastyǵynyń orynbasary jeke quttyqtady.

«Barlyq áskerı qyzmetshilerge áskerı boryshtarǵa adaldyǵy, qyzmeti men Otan qorǵaý isine qosqan zor úlesi úshin shynaıy rızashylyǵymdy bildiremin. Sizderdiń tamasha qyzmetterińiz abyroı, áskerı erlik pen patrıotızmnyń aıqyn dáleli», – dedi ol.

Garnızondarǵa barý barysynda zapasqa shyǵarylatyn merzimdi qyzmettegi áskerı qyzmetshilerdi quttyqtaý jáne osy kúzde Qarýly Kúshterge qyzmetke jiberiletin áskerge shaqyrylýshylardy shyǵaryp salý uıymdastyryldy. Jas patrıottar da shette qalmady. «Jas Sarbaz» áskerı-patrıottyq qozǵalysynyń tárbıelenýshileri saltanatty túrde ant qabyldady.




Aıta ketý kerek, aqparattyq-túsindirý tobynyń jumys maqsaty – áskerı qyzmetshilermen, olardyń otbasy múshelerimen kezdesýler, olardyń áleýmettik-turmystyq jaǵdaılary men problemalyq máselelerin zerdeleý, garnızondardyń áskerı bólimderi qolbasshylyǵynyń qyzmetin taldaý, qoldanystaǵy zańnamanyń negizgi erejelerin túsindirý jáne QR Prezıdentiniń Joldaýyn júzege asyrý, sondaı-aq áskerı bólimder men mekemelerge aqparattyq-tárbıe jáne ıdeologııalyq jumystardy uıymdastyrý máseleleri boıynsha ádistemelik jáne praktıkalyq kómek kórsetý.




Joǵary qaraı