Aýa raıy
Astana 0 °S
Almaty 5 °S
valıýta baǵamy
USD 389.98
EUR 434.01
RUB 6.10
CNY 55.04

QR Prezıdenti Nurlan Ermekbaevqa qatań sógis jarııalady

2019 jyldyń 15 shilde 2019 11:28

NUR-SULTAN. QazAqparat –Memleket basshysy Qasym-Jomart Toqaev Qorǵanys mınıstri Nurlan Ermekbaevqa Arystaǵy jarylysqa baılanysty qatań sógis jarııalady, dep habarlaıdy QazAqparat tilishisi.

Bul týraly Prezıdent Úkimettiń keńeıtilgen otyrysynda málim etti.


«Memleket basshysynyń Ókimimen Qazaqstan Respýblıkasy Premer-Mınıstriniń usynymy negizinde ózine júktelgen mindetterdi tıisinshe oryndamaǵany jáne vedomstvolyq baqylaýdy álsiretkeni, sonyń saldarynan Arys qalasynda áskerı bólimshedegi qarý-jaraqtyń jarylýyna jol berilgeni úshin Qazaqstan Respýblıkasynyń Qorǵanys mınıstri Nurlan Baıuzaquly Ermekbaevqa qatań sógis jarııalandy»,- delingen Memleket basshysynyń Ókiminde.


Eske sala ketsek, Arys qalasyndaǵy áskerı bólimniń qoımasynda 24 maýsym kúni tańerteń jarylys boldy. Saldarynan úsh adam qaza tapty - Arys turǵyny men eki áskerı qyzmetshi. 170-ke jýyq adam zardap shekti. 20-ǵa jýyq úı, 9 qora-qopsy janyp, dalaly aýmaqta 14 oshaq tutandy. Úı-jaılar men ǵımarattardyń 80-90 paıyzyna ártúrli deńgeıde zaqym keldi. Birqatar óńirde shuǵyl jeliler quryldy.

Túrkistan oblysyna arnaıy barǵan Qazaqstan Prezıdenti Qasym-Jomart Toqaev Arystaǵy áskerı bólimshedegi oq-dári qoımasyndaǵy jarylystan zardap shekken qala turǵyndarymen kezdesip, qalanyń qalpyna keltiriletinine ýáde berdi. Sondaı-aq Elbasy Nursultan Nazarbaev Arystaǵy jaǵdaıǵa alańdaýshylyq bildirdi. Tuńǵysh Prezıdenttiń tóraǵalyǵymen Qaýipsizdik keńesiniń otyrysy ótip, onda Arys qalasyndaǵy ahýal talqylandy.

Úkimet otyrysynda Premer-Mınıstr Asqar Mamın jarylys saldarynan kóz jumǵandardyń týǵan-týystaryna kóńil aıtyp, turǵyndarǵa barlyq kómek kórsetiletinin aıtty. Keltirilgen zalaldyń kólemi baǵalanyp, Úkimet rezervinen aqsha bólinedi.

Evakýatsııalaý kezinde myńnan astam ata-ana balarynan kóz jazyp qaldy. Sábılerdiń barlyǵy týys-týǵandaryna din-aman tapsyryldy.

Fakti boıynsha qylmystyq is qozǵady.

Avtor Rýslan Ǵabbasov
Basty sózder: Qazaqstan Prezıdenti,
Joǵary qaraı