Aýa raıy
Astana 16 °S
Almaty 21 °S
valıýta baǵamy
USD 384.39
EUR 431.71
RUB 6.11
CNY 55.88

QR Prezıdenti saılaýaldy tuǵyrnamasyn iske asyrý Josparyn bekitti

2019 jyldyń 20 maýsym 2019 21:02 1183

NUR-SULTAN. QazAqparat - Memleket basshysy Qasym-Jomart Toqaev óziniń saılaýaldy tuǵyrnamasyn júzege asyrý jónindegi is-qımyl Josparyn bekitti, dep habarlaıdy QazAqparat Aqordaǵa silteme jasap.

Qazaqstan Respýblıkasynyń Prezıdenti «Igilik barshaǵa! Sabaqtastyq. Ádildik. Órleý» atty saılaýaldy tuǵyrnamasy men «Birge» jalpyulttyq aktsııasynyń barysynda el azamattarynan kelip túsken usynystardy júzege asyrý jónindegi is-qımyl josparyn bekitý týraly Jarlyqqa qol qoıdy. 

Jarlyq Prezıdenttiń saılaýaldy baǵdarlamasynda baıandalǵan Qazaqstannyń áleýmettik-ekonomıkalyq jáne saıası damýy jónindegi barlyq mindetterdiń naqty merzimderi men jaýapty memlekettik organdaryn kórsete otyryp, ýaqtyly oryndalýyn qamtamasyz etýge baǵyttalǵan.  

Іs-qımyl josparyna sot júıesin jańǵyrtý, polıtsııa qyzmetine qoǵamdyq baqylaýdy kúsheıtý, memlekettik qyzmetti jetildirý, kvazımemlekettik sektorǵa qoǵamdyq baqylaý men esep berýin kúsheıtý, monopolıster tarapynan básekege kedergilerdi joıý jáne asyra paıdalanýdy boldyrmaý, azamattarǵa kepildi áleýmettik qoldaý kórsetýde biryńǵaı standarttar belgileý, olardyń qarjylyq múddelerin qorǵaý jáne basqa da birqatar is-sharalardy qamtyǵan. Keshendi jáne uzaqmerzimdi sıpattaǵy vedomstvoaralyq is-qımyldy qajet etetin máselelerge qatysty memlekettik organdar tarapynan jeke Jol kartasy jasalady. Ony ázirleýge qoǵamdyq sarapshylar tartylatyn bolady.

Bul qujattar Memleket basshysynyń júktegen mindettemeleriniń nátıjeli ári bekitilgen merziminde oryndalýyn retteıdi.  

Jospardyń oryndalýyn baqylaý Prezıdent Ákimshiligine júkteldi. 

 

 

 

Joǵary qaraı