Aýa raıy
Astana 1 °S
Almaty 1 °S
valıýta baǵamy
USD 388.70
EUR 428.70
RUB 6.08
CNY 55.46

QR Prezıdenti sýdıalarǵa júktemeni azaıtýdy tapsyrdy

2019 jyldyń 21 qazan 2019 18:48

NUR-SULTAN. QazAqparat – Memleket basshysy Qasym-Jomart Toqaev Joǵarǵy sot tóraǵasy Jaqyp Asanovty qabyldady. Bul týraly Aqordadan málim etti, dep habarlaıdy QazAqparat.

Qazaqstan Prezıdentine bıylǵy 9 aı ishindegi Joǵarǵy sot qyzmetiniń qorytyndylary men sot júıesin jetildirý boıynsha júrgizilgen jumystar jóninde málimet berildi.

Qasym-Jomart Toqaevqa sýdıalardy irikteý júıesin jaqsartý, birińǵaı sot tájirıbesin qamtamasyz etý, sot tóreligin jańǵyrtý, sonyń ishinde sottan tys tatýlasý ortalyqtaryn qurý, otbasy sottary men front-ofıster jaıynda atqarylǵan sharalar týraly baıandaldy.

Memleket basshysy halyqtyń sot jumysyna degen senimin arttyrý, azamattardyń ótinish-shaǵymdaryn ádil qaraý, shyǵarylatyn sot sheshimderiniń sapasyn jaqsartý qajettigin aıtty.

Prezıdent sýdıalardyń júktemesin azaıtý jáne sot sheshimderiniń sapasyna keri áser etetin olarǵa qatysy joq isterden bosatý jóninde sharalar qabyldaýdy tapsyrdy. Sondaı-aq, sýdıalar korpýsynyń quzyrettiligin arttyrý jumystaryn jalǵastyrýdyń mańyzdylyǵyna nazar aýdardy.

Joǵary qaraı