Aýa raıy
Astana 20 °S
Almaty 22 °S
valıýta baǵamy
USD 385.16
EUR 425.95
RUB 6.01
CNY 54.51

QR Prezıdenti: Týrızm salasynda jumyspen qamtylǵandar sanyn 650 myńǵa jetkizý kerek

2019 jyldyń 24 tamyz 2019 13:27

ULYTAÝ. QazAqparat – Qazaqstannyń jaqyn bolashaqta alys jáne jaqyn mańdaǵy elder úshin eń tartymdy oryndardyń birine jáne etnotýrızmniń ortalyǵyna aınalý múmkindigi bar.

Bul týraly Qaraǵandy oblysynda ótip jatqan «Ulytaý – 2019» Halyqaralyq týrıstik forýmynda Memleket basshysy Qasym-Jomart Toqaev aıtty, dep habarlaıdy QazAqparat Aqordanyń Twitter-degi paraqshasyna silteme jasap.

«Biz salalyq memlekettik baǵdarlama qabyldadyq. Ol tolyqqandy júzege asatyn bolsa, týrızmniń Іshki jalpy ónimdegi úlesi 8% jetedi. Syrttan keletin týrıster sany 9 mln al, ishki týrıster sany 8 mln adam bolady. Al týrızm salasynda jumyspen qamtylǵandar sanyn 650 myń adamǵa jetkizý kerek»,-dedi Qasym-Jomart Toqaev.

Memleket basshysy sózinde kreatıvti jáne ınnovatsııalyq sheshimderdiń kómegimen Qazaqstannyń týrıstik áleýetiniń aqparattyq qoljetimdiligin tıisti deńgeıde qamtamasyz etý kerektigin jetkizdi.

«Týrısterdi Qazaqstan týraly ásirese Ulytaý men ózge de tarıhı oryndar týraly tolyqqandy aqparatpen qamtamasyz ete alatyn qosymsha nemese basqa bir kiriktirilgen platforma jasaý kerek. Týrızm ındýstrııasynan keletin salmaqty mýltıplıkatıvti serpindi eskere kele bizge Qazaqstannyń barlyq rekreatsııalyq aýmaqtarynda qonaqúıler men tamaqtaný oryndaryn salý isine barynsha kásipkerlerdi tartý kerek. Bul rette «Atameken» Ulttyq kásipkerler palatasynyń da múmkindikterin paıdalanǵan jón»,-dedi Memleket basshysy.

Joǵary qaraı