Aýa raıy
Astana 18 °S
Almaty 30 °S
valıýta baǵamy
USD 386.91
EUR 428.81
RUB 5.79
CNY 54.79

QR Prezıdentiniń tóraǵalyǵymen Úkimettiń keńeıtilgen otyrysy bastaldy

2019 jyldyń 15 shilde 2019 10:00 658

NUR-SULTAN. QazAqparat – QR Prezıdenti Qasym-Jomart Toqaevtyń tóraǵalyǵymen Úkimettiń keńeıtilgen otyrysy bastaldy, dep habarlaıdy QazAqparat tilshisi.

Jıynǵa Úkimet músheleri, Astana, Almaty jáne Shymkent qalalary men oblystardyń ákimderi, ortalyq memlekettik organdar men mınıstrlikterdiń basshylary qatysýda.

Budan buryn habarlanǵandaı, ótken aptada Premer-Mınıstr Asqar Mamın Memleket basshysy Qasym-Jomart Toqaevtyń tóraǵalyǵymen ótetin Úkimettiń keńeıtilgen otyrysynda «qarapaıym zattar ekonomıkasy» máselesi qaralatynyn aıtqan edi.

«Kelesi dúısenbi kúni Memleket basshysynyń tóraǵalyǵymen osy másele Úkimet otyrysynda qaralatyn bolady. Ákimder esep berýge daıyn bolýy kerek. «Qarapaıym zattar ekonomıkasyn» damytý baǵdarlamasy kásipkerlikti damytýdyń jáne jumyspen qamtamasyz etýdiń mańyzdy quraly. Jobalardyń bári óńirlerde iske asyrylady. Ákimder baǵdarlamany iske asyrýǵa belsene atsalysyp, jańa jobalardy usynýy, tıisti túsindirý jumystaryn júrgizýi kerek», - dedi Úkimet basshysy.

Aıta keteıik, Úkimettiń keıtilgen quramdaǵy otyrysy osyǵan deıin bıyl 30 qańtar kúni ótken edi.


Avtor Rýslan Ǵabbasov
Basty sózder: Qazaqstan Prezıdenti,
Joǵary qaraı