Aýa raıy
Astana -1 °S
Almaty 6 °S
valıýta baǵamy
USD 389.98
EUR 434.01
RUB 6.10
CNY 55.04

Kúres túrlerinen ÁCh: Áıelder kúresinen alǵashqy medalge qol jetkizdik

2019 jyldyń 18 qyrkúıek 2019 20:46

NUR-SULTAN. QazAqparat – Búgin elorda tórinde kúres túrlerinen ótip jatqan álem chempıonatynda áıelder kúresinen alǵashqy júldege qol jetkizdik, dep habarlaıdy QazAqparat tilshisi.

Búgin áıelder kúresinen 50 keli salmaqta qola medal úshin beldesken qazaqstandyq Valentına Islamova kishi fınalda ýkraınalyq Oksana Lıvachty 5:0 esebimen utyp, qola medal ıegeri atandy.

Bul kúres túrlerinen qazaqstan qorjynyna túsken tórtinshi medal. Osyǵan deıin osyǵan deıin Qazaqstan quramasynan 55 keli salmaqta grek-rım kúresiniń sheberi Qorlan Jaqansha el qorjynyna alǵashqy kúmis júldeni syılasa, sol kúni Almat Kebispaev qola medal jeńip alǵan bolatyn. Al keshe ǵana grek-rım kúresinen erler arasynda 60 keli salmaqta el namysyn qorǵaǵan balýanymyz Meırambek Aınaǵulov kezekti qola medalge qol jetkizdi.

Sondaı-aq, búgin qola medal úshin beldesýde 55 keli salmaq dárejesinde synǵa túsken jerlesimiz Marına Sedneva reseılik Olga Horoshavtsevadan utylyp, júldesiz qaldy. Júldeli orynǵa talasqan 72 keli salmaqtaǵy taǵy bir otandasymyz Jámıla Baqbergenova japondyq qarsylasyna 0:2 esebimen utyldy.

Osylaısha álem birinshiliginde áıelder kúresinen qazaqstandyq balýandardyń enshisinde ázirge jalǵyz qola medal bar.


Avtor Kúnsultan Otarbaı
Basty sózder: Sport, Qazaq kúresi,
Joǵary qaraı