Aýa raıy
Astana -3 °S
Almaty 0 °S
valıýta baǵamy
USD 389.75
EUR 434.26
RUB 6.12
CNY 55.05

Kúres túrlerinen ÁCh: Azamat Kústibaev alǵashqy qarsylasyn ońaı jeńdi

2019 jyldyń 15 qyrkúıek 2019 12:57

NUR-SULTAN. QazAqparat - Elorda tórinde kúres túrlerinen álem chempıonatynyń ekinshi jarys kúni bastaldy, dep habarlaıdy QazAqparat tilshisi.

Búgin bozkilemge qazaqstandyq balýandar arasynan alǵash bolyp 87 kelide Azamat Kústibaev shyqty. Ol alǵashqy beldesýinde venesýelalyq qarsylasyn 5:1 esebimen utyp, kelesi aınalymǵa ótti.

Alaıda, 67 keli salmaqta el namysyn qorǵaǵan taǵy bir balýanymyz Meıirjan Shermahanbet amerıkalyq Ellıs Kolımanǵa 10:2 esebimen ese jiberdi. Endi amerıkalyq balýan fınalǵa deıin súrinbeı jetse, onda Meıirjannyń jubanysh beldesýge shyǵýyna múmkindigi bar.

Aıta keteıik, búgin elorda kileminde grek-rım kúresinen 67, 87 jáne 97 keli salmaq dárejeleri boıynsha irikteý jarystry ótedi. Sondaı-aq, 55, 63, 72, 82 keli salmaq dárejesinjegi jeńimpazdar men júldegerler anyqtalady.

Esterińizge sala keteıik, osyǵan deıin 55 keli salmaqta el namysyn qorǵap jatqan balýanymyz Qorlan Jaqansha jartylaı fınalda 2018 jylǵy álem chempıony, ázerbaıjandyq Eldanız Azızlıdi jeńip, fınalǵa shyqqanyn jazǵan bolatynbyz.

Jaqansha búgin altyn medal úshin synǵa túsedi.


Avtor Kúnsultan Otarbaı
Basty sózder: Sport, Qoǵam,
Joǵary qaraı