Aýa raıy
Astana 6 °S
Almaty 10 °S
valıýta baǵamy
USD 388.96
EUR 432.21
RUB 6.09
CNY 54.99

Kúres túrlerinen ÁCh: Nurǵoja Qaıpanov fınalǵa shyqty

2019 jyldyń 20 qyrkúıek 2019 17:18

NUR-SULTAN. QazAqparat – Elordada kúres túrlerinen ótip jatqan lıtsenzııalyq Álem chempıonatynda erkin kúresten qazaqstandyq balýan Nurǵoja Qaıpanov fınalǵa shyqty, dep habarlaıdy QazAqparat tilshisi.

70 keli salmaqta el namysyn qorǵap jatqan balýanymyz N.Qaıpanov jartylaı fınalda ırandyq balýan Iones Emamıchogaıdy 7:6 esebimen utty. Endi ol erteń álem chempıonatynyń altyn júldesine talasady.

Esterińizge sala keteıik, bul erkin kúres sheberlerinen fınalǵa shyqqan ekinshi balýan. Osyǵan deıin, ıaǵnı 19 qyrkúıek kúni 65 keli salmaqta Dáýlet Nııazbekov Olımpıada joldamasyn alyp qana qoımaı, jartylaı fınalda qarsylasyn qapy qaldyryp, fınalǵa ótken bolatyn.

Osylaısha erkin kúres sheberlerinen eki balýanymyz álem birinshiliginiń «altyn» medalyna talasý múmkindigine ıe boldy. Al, D.Nııazbekov búgin keshki sessııada beldesýge shyǵady.

Sondaı-aq, 74 kelidegi Danııar Qaısanov jubanysh beldesýine qatysýǵa múmkindik aldy. Danııar jartylaı fınalda álem chempıony ıtalııalyq Frank Chemızodan 0:3 esebimen utylǵan bolatyn. Baǵyna qaraı qarsylasy fınalǵa deıin súrinbeı jetti. Nátıjesinde Qaısanovqa erteń ótetin jubanysh beldesýlerine qatysyp, qola medal úshin kúresýge múmkindik týyp otyr.

Avtor Kúnsultan Otarbaı
Basty sózder: Sport,
Joǵary qaraı