Aýa raıy
Astana -9 °S
Almaty 13 °S
valıýta baǵamy
USD 389.98
EUR 434.01
RUB 6.10
CNY 55.04

Kúres túrlerinen Álem chempıonaty: Búgin - «altynǵa» talasatyn kún

2019 jyldyń 20 qyrkúıek 2019 08:38

NUR-SULTAN. QazAqparat –Elorda tórinde kúres túrlerinen ótip jatqan lıtsenzııalyq Álem chempıonatynyń jetinshi jarys kúni bastalady. Búgin erkin kúres balýandary 70, 74, 92 jáne 125 kelide ózara myqtyny anyqtaıdy, dep habarlaıdy QazAqparat tilshisi.

Aıta keteıik, keshe áıelder kúresinen 62 jáne 68 keli salmaqtaǵy, erkin kúresten 57 jáne 65 keli salmaq dárejesindegi fınalıster anyqtalǵan bolatyn. Búgin atalǵan sanattaǵy balýandar júldeli oryndardy sarapqa salady.

Sondaı-aq, keshe áıelder kúresinen 57, 59, 65 jáne 76 kelide chempıondar men júldegerler esimi belgili boldy.

Álem chempıonatynyń altynshy kúni qazaq balýandary úshin tabysty boldy desek te bolady. Sebebi, keshe balýandarymyz Tokıo Olımpıadasyna bir emes, úsh birdeı joldama jeńip aldy.

Atap aıtar bolsaq, áıelder kúresinen 76 keli salmaqtaǵy Elmıra Syzdyqova, erkin kúresten erler arasynda 57 kelide el namysyn qorǵaǵan Nurıslam Sanaev jáne 65 keli salmaq dárejesinde Dáýlet Nııazbekov Olımpıada joldamasyna ıelik etti. Sonyń ishinde Nııazbekov fınalǵa shyǵyp, jankúıerlerin bir jelpindirip tastady. Endi búgin ol Álem chempıonatynyń «altyny» úshin synǵa túsedi.

Kúres túrlerinen Álem chempıonatynyń 20 qyrkúıek kúngi jarys kestesi tómendegideı:

11.00-16.00 – erkin kúresten 70, 74, 92 jáne 125 keli salmaq dárejesindegi irikteý aınalymy;

11.00-16.00 - áıelder kúresinen 62 jáne 68 keli, erkin kúresten 57 jáne 65 keli salmaq dárejesindegi jubanysh beldesýleri;

16.45 – 17.45 - erkin kúresten 70, 74, 92 jáne 125 keli salmaq dárejesindegi jartylaı fınaldyq básekeler;

18.00-21.00 - áıelder kúresinen 62 jáne 68 keli, erkin kúresten 57 jáne 65 keli salmaq dárejesindegi fınaldyq beldesýler jáne marapattaý rásimi.


Avtor Kúnsultan Otarbaı
Basty sózder: Nur-Sultan, Sport,
Joǵary qaraı