Aýa raıy
Astana -3 °S
Almaty 0 °S
valıýta baǵamy
USD 389.75
EUR 434.26
RUB 6.12
CNY 55.05

Qyrǵyzstan men Tájikstan shekarasynda atys bolyp, bir áskerı qyzmetshi qaza tapty

2019 jyldyń 16 qyrkúıek 2019 23:49

BATKEN. KABAR-HOVAR-QazAqparat — Qyrǵyzstan men Tájikstan shekarasynda atys bolyp, Qyrǵyz Respýblıkasy Memlekettik shekara qyzmetiniń bir áskerı qyzmetshisi qaza tapty, dep habarlaıdy QazAqparat.

Qyrǵyzdyń «Kabar» ulttyq aqparat agenttigi QR MShQ baspasóz qyzmetine silteme jasaı otyryp taratqan málimetine saı, tájik tarapy birinshi bolyp oq atqan. Oqıǵa saldarynan qyrǵyzstandyq shekarashy qaza bolǵan.

«Tájikstan azamattary shekara belgilenbegen aýmaqta qurylys jumystaryn júrgizýdi bastaǵan. Oǵan jaýap retinde Qyrǵyz azamaty da sol jerde ornalasqan óz úıiniń aýmaǵynda qorshaý turǵyza bastaǵan. Atystyń týýyna osy oqıǵa sebep bolǵan» delingen QR MShQ habarlamasynda.

Al, Tájikstannyń «Hovar» ulttyq aqparat agenttiginiń TR UQK Shekara áskeriniń baspasóz ortalyǵyna silteme jasaı otyryp habarlaýynsha, qyrǵyz tarapy Sogdy oblysy Bobodjon Gafýrov aýdany Ovchı-Kalacha jamaǵaty Bahor mahallasyndaǵy sport alańynda belgisiz nysannyń qurylys jumysyn bastaǵan. Bahor mahallasynyń turǵyndary Qyrǵyz azamattarynan qurylysty toqtatýdy suraǵan. Oqıǵa saldarynan atys bolyp, birneshe tájik azamatyna oq tıgen.

Qyrǵyzstan men Tájikstannyń shekara qyzmetiniń ókilderi máseleniń ýshyǵyp ketpeýi úshin kelissózder júrgizip jatyr.


Avtor Erbol Janat
Basty sózder: Oqıǵa, Qyrǵyzstan, Tájikstan,
Joǵary qaraı