Aýa raıy
Astana 0 °S
Almaty 7 °S
valıýta baǵamy
USD 389.94
EUR 433.50
RUB 6.10
CNY 55.13

Qyrǵyzstanǵa táýligine 50 tonnadan astam benzın kedergisiz ótip jatyr

2019 jyldyń 18 qyrkúıek 2019 16:03

TARAZ. QazAqparat – Jambyl oblysynda Qyrǵyz Respýblıkasyna Memlekettik kirister komıtetiniń shekteýinen tys táýligine 50 tonnadan asa janar-jaǵarmaı kedergisiz ótýde, dep habarlaıdy QazAqparat tilshisi.

QR Sybaılas jemqorlyqqa qarsy is-qımyl agenttiginiń Jambyl oblysy boıynsha departamenti basshysynyń birinshi orynbasary Ravıl Tólebaev arnaıy monıtorıngtik top múshelerimen shekaradan ótý beketterinde júrgizgen qoǵamdyq monıtorıng qorytyndysyn jetkizdi.

«Shekara qyzmetiniń málimetine sáıkes, ótkizý beketterinen ótetin naqty adam men kólik quraldarynyń sany áldeqaıda kóp ekeni belgili boldy. Mysaly, «Qordaı» beketi 1500 kólikti, 15 000 adamdy ótkizýge tıis bolsa, naqty 2300 kólik quraly men 22100 adam ótip jatyr»,-dedi departament basshysy.

Sondaı-aq, qoǵamdyq monıtorıng shekaradan ótetin adamdar men kólik sanynyń artýyna ne sebep bolǵanyn anyqtaǵan. Atap aıtqanda, shekaradaǵy ótkizý pýnktileri arqyly Qyrǵyz Respýblıkasyna AI-92 markaly janar-jaǵarmaıdy jaıaý nemese jeńil avtokóliktermen avtokólik bagyna jáne qosymsha kanıstralarǵa quıyp, bir kúnde 7-8 ret alyp ótý faktileri anyqtalypty. Bul jaǵdaı Qyrǵyz Respýblıkasynyń aýmaǵynda AI-92 markaly benzınniń bizden shamamen 72 teńgege qymbat bolýyna baılanysty qalyptasqan.





«Qazaqstan Respýblıkasy Qarjy mınıstrliginiń Memlekettik kirister komıtetiniń shekteýine qaramastan jalpy bir táýliktiń ishinde Qyrǵyz Respýblıkasynyń aýmaǵyna avtokólikpen shamamen - 50 tonna, al jaıaý júre otyryp 5 tonna 250 lıtr janar-jaǵarmaı ótip jatyr. Monıtorıng qorytyndysy Qazaqstan Respýblıkasy Sybaılas jemqorlyqqa qarsy is-qımyl agenttigine joldandy»,-dedi Ravıl Tólebaev.


Joǵary qaraı