Aýa raıy
Astana -1 °S
Almaty 6 °S
valıýta baǵamy
USD 389.98
EUR 434.01
RUB 6.10
CNY 55.04

Qyrǵyzstannyń bolashaq bilim mınıstri latyn alfavıtine kóshý ıdeıasyn qoldaıdy

2019 jyldyń 11 qyrkúıek 2019 14:20

BІShKEK. KABAR. QazAqparat – Qyrǵyzstannyń bolashaq bilim mınıstri Qanybek Isakov qyrǵyz tilin latyn alfavıtine kóshirý ıdeıasyn qoldaıdy, dep habarlaıdy QazAqparat Kabar agenttigine silteme jasap.

Joǵarǵy Keńestiń otyrysynda depýtat Súleımenovtiń suraǵyna Bilim mınıstri laýazymyna úmitker Qanybek Isakov qyrǵyz tilin latyn alfavıtine kóshirý ıdeıasyn qoldaıtynyn málim etti.

Onyń aıtýynsha, latyn alfavıtine kóshý ıdeıasy búginde túrkitildes elder arasynda talqyǵa túsýde.

«Bul negizinen jahandaný úderisinde túrkitildes elderdiń basyn qosý úshin qajet. Eger memlekettiń múmkindigi bolsa, latyn alfavıtine kóshý ıdeıasyn qoldaımyn», - dedi bilim mınıstri laýazymyna úmitker.

Depýtat Q.Isakovqa qoldaý bildirip, bul máselede Qyrǵyzstan ózge túrki tildes elderden artta qalǵanyn aıtty.

«Bizdiń Qasym Tynystanov syndy ata-babalarymyz latynsha jazǵan, alaıda biz onyń da, basqa da otandastarymyzdyń taǵdyrynyń qalaı aıaqtalǵanyn bilemiz. Barlyǵy repressııaǵa ushyrady. Demek, biz latyn alfavıtin jańadan engizbeı, jaı ǵana oǵan qaıtyp kelýimiz kerek», - dedi Sýlaımanov.

Depýtattar jańa mınıstrge atalmysh máselege kóńil bólip, parlamenttiń qoldaýymen bastamany júzege asyrýyn tiledi. Q.Isakov bul máselede satyly túrde jumys isteıtinin aıtty.


Basty sózder: Latyn álipbıi, Álem,
Joǵary qaraı