Aýa raıy
Astana -1 °S
Almaty 6 °S
valıýta baǵamy
USD 388.70
EUR 428.70
RUB 6.08
CNY 55.46

Qytaıda VI Dúnıejúzilik ınternet konferentsııa ashyldy

2019 jyldyń 20 qazan 2019 14:18

ÝChJENЬ. QazAqparat – Qytaıdyń Venetsııasy atanǵan Ýchjen tarıhı eldi mekeninde (Chjetszıan provıntsııasynda) VI Dúnıejúzilik ınternet konferentsııa bastaldy, dep habarlaıdy «QazAqparat» HAA-nyń menshikti tilshisi.

Bıylǵy jıyn «Intelekt, ózara baılanys, ashyqtyq jáne yntymaqtastyq: kıberkeńistikte taǵdyry ortaq qoǵamdastyq qurý» taqyrybyna arnaldy.

QHR Tóraǵasy Sı Tszınpın Dúnıejúzilik ınternet-konferentsııa qatysýshylaryna arnaǵan sózinde bıyl Internettiń paıda bolǵanyna 50 jyl tolyp otyrǵanyn atap ótti.

Onyń aıtýynsha, «Internetti adamzattyń paıdasyna durys paıdalaný men basqarýǵa halyqaralyq qoǵamdastyq túgel jaýapty».

Sharaǵa úkimetterdiń, halyqaralyq uıymdardyń, isker jáne ǵylymı qaýymnyń 1,5 myńnan astam ókili qatysýda. Kontserentsııaǵa ókilin jibergen kompanııalardyń arasynda Apple, Intel, Amazon, Cisco, SAP, Nokia, Ericsson, Siemens, Samsung Electronics, Alibaba, Huawei, Hikvision, Tencent, t.b. bar.

Konferentsııa aıasynda 20-dan astam taqyryptyq forým ótedi. Onda Jasandy ıntellekt, ónerkásipti tsıfrlandyrý, kıberkeńistikti retteýdiń halyqaralyq normalary men erejelerin ázirleý máseleleri talqylanady.

Sharada Internettiń 2019 álemdegi jáne Qytaıdaǵy damýy, jelilik tehnologııalardyń adamzat progresine qosatyn úlesi týraly baıandamalar oqylady.

Úlken derekter, bulttyq tehnologııalar, ónerkásiptegi Internet, 5G jelisi salalaryndaǵy 60-tan astam ınnovatsııalyq ónim aıtýly sharanyń kórmesinde kórsetiledi.

Eske sala keteıik, Ýchjende alǵashqy Dúnıejúzilik ınternet-konferentsııa 2014 jyly ótken bolatyn.

Avtory Rýslan Súleımenov

Basty sózder: Qytaı, Internet,
Joǵary qaraı