Aýa raıy
Astana -1 °S
Almaty -1 °S
valıýta baǵamy
USD 388.81
EUR 429.01
RUB 6.08
CNY 55.49

Qyzylordada 26 jastaǵy jigit ózin órtemek boldy

2019 jyldyń 18 qazan 2019 19:58

QYZYLORDA. QazAqparat - Qyzylordada 26 jastaǵy jigit ózin órtemek boldy. Ony №5547 áskerı bóliminiń sarbazdary ólimnen qutqaryp qaldy, dep habarlaıdy QazAqparat tilshisi.

Atalmysh oqıǵany qaladaǵy №5547 áskerı bóliminiń mamandary rastady. Keleńsiz oqıǵa 17 qazanda keshki 19.00 shamasynda «Shuǵyla» móltek aýdanynda oryn alǵan.

Áskerı bólimniń sarbazdary Saǵdat Meıirbek, Beıbit Esqara, Meıirbek Ábdiázim ózderine bekitilgen aýmaqty aralap kele jatqan bolatyn. Sol sátte garajdar arasynan adamnyń shyńǵyrǵan daýysyn qulaǵy shalady. Sarbazdar dereý oqıǵa ornyna jetip, janyp jatqan adamnyń ústindegi kıimin sheship aldy. Ózin jerge aýnatyp, ústindegi janyp jatqan otty óshirdi.

№5547 áskerı bóliminiń sol kúngi áskerı jasaq kezekshisi Aqylbek Jumabaıdyń aıtýynsha, ózin órtegen adamnyń denesiniń biraz bóligin kúıik shalǵan. Sarbazdar dereý jedel járdem shaqyrtyp, polıtsııaǵa habar berdi. Ózin órteýge nıet jasaǵan azamat 1993 jyly dúnıege kelgen Qyzylorda qalasy «Sáýlet» móltek aýdanynyń turǵyny eken. Onyń sýıtsıdke barý sebebi belgisiz.

Avtor Ádiljan Úmbet
Basty sózder: Qyzylorda oblysy, Oqıǵa,
Joǵary qaraı