Aýa raıy
Astana -4 °S
Almaty 12 °S
valıýta baǵamy
USD 389.98
EUR 434.01
RUB 6.10
CNY 55.04

Qyzylordada aýyl mańynan esirtki alqaby anyqtaldy

2019 jyldyń 17 qyrkúıek 2019 14:02

JAŃAQORǴAN. QazAqparat - Qyzylorda oblysynda sora ósirgen 35 jáne 36 jastaǵy eki adam ustaldy, dep habarlaıdy QazAqparat tilshisi.

Olar Jańaqorǵan aýdanyna qarasty Túgisken eldi mekeninen 45 shaqyrym jerdegi alqapqa esirtki ósimdigin ekken. Bul oryndy polıtseıler «Kóknár-2019» jedel-profılaktıkalyq is-sharasy barysynda anyqtady. Atalmysh alqapta ekeýi zańmen tyıym salynǵan sora ósimdigin ósirgen.

«Oqıǵa ornynda jedel-tergeý tobynyń qyzmetkerleri jumys júrgizdi. Atalmysh shara barysynda zańmen tyıym salynǵan 228 túp sora ósimdigine uqsas shóp, keptirilgen 74 túp jáne 80 qapqa salynǵan esirtki zaty tárkilendi. Olardyń jalpy salmaǵy 370 kelini qurady. Sonymen qatar, oqıǵa ornynan tirkeýde joq 2 tegis uńǵyly qarý alyndy», - dep málim etti Qyzylorda oblystyq Polıtsııa departamentinen.

Atalmysh is boıynsha Almaty oblysy jáne Qyzylorda qalasynyń 35 jáne 36 jastaǵy 2 turǵyny qolǵa tústi. Qazirgi tańda atalǵan derek boıynsha QR QK-niń 300-babynyń 2-bóligi jáne 296-babynyń 4-bóligimen sotqa deıingi tergep-tekserý amaldary júrgizilýde.

Oblystyq Polıtsııa departamentiniń habarlaýynsha, olarǵa «qamaýǵa alý» túrindegi bultartpaý sharasy qoldanyldy.

Budan buryn Aralda esirtki ekkender polıtsııa qyzmetkerlerine oq atqany týraly jazǵan bolatynbyz.


Joǵary qaraı