Aýa raıy
Astana 7 °S
Almaty 9 °S
valıýta baǵamy
USD 389.62
EUR 429.98
RUB 6.06
CNY 55.08

Qyzylordada balasyn júrek tusynan pyshaqtaǵan áke jazaǵa tartyldy

2019 jyldyń 20 maýsym 2019 06:46

QYZYLORDA. QazAqparat - Qyzylorda balasyn júrek tusynan pyshaqpen aýyr jaraqattaǵan ákesine qatysty sot úkimi shyqty, dep habarlaıdy QazAqparat tilshisi.

Atalmysh oqıǵa aqpan aıynda boldy. Keshqurym ýaqytta balasy as úıde ákesiniń anasyna aıqaılap jatqanyn estıdi. Sosyn ákesin sabyrǵa shaqyrý úshin sonda barady. Ashýǵa berilgen ákesi anasyn urýǵa umtylady. Sol sátte balasy anasyn arashalap, ákesin ıterip jibergen.

Masań kúıde bolǵan ákesi balasynyń bul áreketine ashýlanyp, ústel ústindegi pyshaqpen balasynyń keýde tusynan urady. Osylaısha ol balasynyń júrek mańaıyn zaqymdap, densaýlyǵyna aýyr zııan keltiredi.

«Sot otyrysynda jábirlenýshi, ıaǵnı balasy ákesine keshirim beretinin aıtty. Ákesiniń bas bostandyǵy qalatyn jaza taǵaıyndaýdy surady. Atalmysh qylmystyq is Qyzylorda qalasynyń №2 sotynda qaraldy. Sottalýshyǵa QR Qylmystyq kodeksiniń 106-babynyń 1-bóligimen kináli dep tanyldy», - dep málim etti Qyzylorda qalasynyń №2 sotynyń baspasóz qyzmeti.

Balasynyń densaýlyǵyna zııan keltirgen ákeniń 3 jyl 3 aı bas bostandyǵy shekteý jazasy taǵaıyndaldy. Oǵan probatsııalyq baqylaý jasalady.

Budan buryn Qyzylordada qyz alyp qashqan jigitter sottalǵanyn habarlaǵan edik.

Avtor Ádiljan Úmbet
Basty sózder: Sot, Qyzylorda oblysy,
Joǵary qaraı