Aýa raıy
Astana -9 °S
Almaty 13 °S
valıýta baǵamy
USD 389.98
EUR 434.01
RUB 6.10
CNY 55.04

Qyzylordada belgili ónerpazdar oqýshylarmen kezdesti

2019 jyldyń 14 qyrkúıek 2019 05:27

QYZYLORDA. QazAqparat - Qyzylordada Syr óńirine belgili ónerpazdar №136 mektep-lıtseıinde ótken «Syr eli salǵan sara jol» taqyrybynda dóńgelek ústelge qatysty, dep habarlaıdy QazAqparat tilshisi.

Atalmysh ıgi sharaTuńǵysh Prezıdent - Elbasy Nursultan Nazarbaevtyń «Bolashaqqa baǵdar: rýhanı jańǵyrý» baǵdarlamalyq maqalasy aıasynda uıymdastyryldy. Ony ótkizýge Qyzylorda qalalyq bilim bólimi, T.Júrgenov atyndaǵy №136 mektep-lıtseıi ujymy jáne oblystyq «Rýhanı jańǵyrý» ortalyǵy uıytqy boldy.

Dóńgelek ústel sharasyna qatysýshy qonaqtar aldymen mekteptegi Temirbek Júrgenov murajaıyn aralap, «Ejelgi Syr eline saıahat» kórmesin tamashalady. Odan keıin dóńgelek ústel sharasy ótkizildi. Onda aıtysker Muhtar Nııazov, belgili jyraý Serik Jaqsyǵulov qazaqtyń jyraýlyq óneriniń búgini men erteńi týraly sóz etti.

«Bıyl mektep-lıtseıde shahmat synybynyń ashyldy. Shahmat úıirmesine 2-11 synyp oqýshylary qatysa alady. Oqýshylardyń boıynda ulttyq sanany, ádet-ǵurypty, mádenı dástúrlerdi berik saqtaı otyryp, jalpy adamzattyq qundylyqtardy darytý- bizdiń basty maqsatymyz. Sondaı-aq, óz ólkemizdiń ulttyq ónerin nasıhattaý arqyly oqýshylardyń boıyna bolashaqqa degen senimdi qalyptastyrýǵa ábden bolady. Sondyqtan bul shara óskeleń urpaq pen aǵa býyn arasynda berik kópir ornatýdyń negiz boldy dep aıtýǵa tolyq negiz bar», - deıdi mektep ujymy.


Joǵary qaraı