Aýa raıy
Astana -2 °S
Almaty 4 °S
valıýta baǵamy
USD 389.98
EUR 434.01
RUB 6.10
CNY 55.04

Qyzylordada Qorqyt muralary jóninde ǵylymı konferentsııa ótti

2019 jyldyń 21 qyrkúıek 2019 00:28

QYZYLORDA. QazAqparat - Qyzylorda oblysynda «Qorqyt ata muralarynyń túrki álemindegi róli» atty halyqaralyq ǵylymı-teorııalyq konferentsııa ótti.

Atalmysh shara keshe oblysta bastalǵan «Qorqyt jáne Uly dala sazy» halyqaralyq folklorlyq-mýzykalyq óner festıvali aıasynda uıymdastyrylyp otyr, dep habarlaıdy QazAqparat tilshisi.

Halyqaralyq ǵylymı-teorııalyq konferentsııada Túrkııa, Iran, Grýzııa, Ázerbaıjan, Ózbekstan jáne Qyrǵyzstannan belgili ǵalymdar keldi. Sondaı-aq, olarmen birge qazaqstandyq zııaly qaýym ókilderi jáne jas býyn ǵalymdar da tájirıbe almasty.

Konferentsııanyń ashylý saltanatyna elimizdiń Mádenıet jáne sport mınıstrligi Til saıasaty komıteti tóraǵasynyń mindetin atqarýshy Aınur Myrzabekova, Halyqaralyq TÚRKSOI uıymynyń bas hatshysynyń orynbasary Bılıal Chakydjy, «Dede Gorgud» Ulttyq qorynyń prezıdenti, «Azerbaıdjan dýnııasy» halyqaralyq jýrnalynyń quryltaıshysy jáne redaktory Eldar Ismaılov, TÚRKSOI uıymynyń Qazaqstandaǵy ókili Asqar Turǵanbaev jáne Qyzylorda oblysynyń ákimi Qýanyshbek Ysqaqov qatysty.

Dástúrli óner festıvali Tuńǵysh Prezıdent - Elbasy Nursultan Nazarbaevtyń «Bolashaqqa baǵdar: rýhanı jańǵyrý» baǵdarlamasy aıasynda júzege asyrylyp otyr. Halyqaralyq festıval 2006 jyldan beri Syr óńirinde turaqty túrde jalǵasyn taýyp keledi. Óner sharasy bıyl TÚRKSOI halyqaralyq uıymymen birlese otyryp besinshi ret ótkizilýde. Mádenı shara túrki tildes elderdiń ulttyq folkloryn zerdeleýge, ónerimen tanysýǵa úlken úles qosyp otyr.

«Rýhanı jańǵyrýdyń bastaýy - ulttyq qundylyqtar. Jalpy, Qorqyt Ata murasynyń bárimiz úshin orny bólek, mańyzy erekshe. Osy rette túrki halyqtaryna ortaq Qorqyt ata murasyn nasıhattaı otyryp, aýyzbirligimiz ben yntymaǵymyzdy nyǵaıtý, mádenıetimiz ben ónerimizdi damytý - barshamyz úshin zor jetistik bolmaq», - dedi oblys ákimi Qýanyshbek Ysqaqov.

Esterińizge sala keteıik, Qorqyt ata kesenesi Elbasy tapsyrmasymen 2015 jyly qaıta jańǵyrtyldy. Sol aýmaqta «Qorqyt ata zııarat etý ortalyǵy» qosa salyndy. Keshen EKSPO-2017 búkilálemdik kórmesiniń nysandarynyń biri retinde tanylyp, oǵan san myńdaǵan týrıster keldi.

Sondaı-aq, 2018 jyly 28 qarashada Mavrıkıı Respýblıkasynda ótken ıÝNESKO-nyń 13-sessııasynda Qorqyt ata rýhanı muralary Birikken Ulttar Uıymy janyndaǵy ıÝNESKO-nyń ǵalamdyq materıaldyq emes muralar tizimine endi.

Sondaı-aq, Qyzylordada Syr súleıine arnalǵan jyr keshi ótkizildi.

Joǵary qaraı