Aýa raıy
Astana 25 °S
Almaty 26 °S
valıýta baǵamy
USD 386.34
EUR 427.25
RUB 5.88
CNY 54.57

Qyzylordada taksı júrgizýshilerin taqyrǵa otyrǵyzǵan alaıaq sottaldy

2019 jyldyń 15 shilde 2019 20:19 274

QYZYLORDA. QazAqparat - Qyzylordada taksı qyzmetimen aınalysqan azamattarǵa alaıaqtyq jasaǵan 44 jastaǵy kúdiktige qatysty sot úkimi shyqty, dep habarlaıdy QazAqparat tilshisi.

Ol óziniń aram oıyn bıylǵy mamyr-maýsym aılarynda júzege asyrǵan. Aldaý jolymen jeńil aqsha tabýdy kózdegen ol taksı qyzmetimen aınalysatyn jergilikti turǵyndardan qomaqty qarjy jymqyryp ketken. Qyzylorda qalasynda ornalasqan aýrýhanalar men emhanalar aldynda kóligimen turǵan azamattardyń senimine kirgen.

«Ol emdeý oryndaryndaǵy óziniń jaqyn týystarynyń máıitin qashyq ornalasqan eldi mekenderge alyp barýǵa aldymen ótinish aıtady. Odan soń keıin qaıtaratynyn aıtyp, olardan aqsha aldap alady. Alaıaq mundaı áreketin birneshe márte qaıtalaǵan. Sot tergeýi nátıjesinde sottalýshy óz kinásin tolyq moıyndady», - dedi Qyzylorda qalasy №2 sotynyń baspasóz hatshysy Tańsholpan Altynbaeva.

Qyzylorda qalasy №2 sotynyń úkimimen sottalýshy Qazaqstan Respýblıkasynyń Qylmystyq kodeksiniń 190-babynyń 3-bóliginiń 4) tarmaǵymen kináli dep tanyldy. Oǵan 3 jylǵa bas bostandyǵynan aıyrý jazasy taǵaıyndaldy.

Buǵan deıin Aralda kókserke balyǵyn zańsyz aýlaǵandardyń sottalǵandyǵyn habarlaǵan bolatynbyz.

Joǵary qaraı