Aýa raıy
Astana 17 °S
Almaty 16 °S
valıýta baǵamy
USD 386.34
EUR 427.25
RUB 5.88
CNY 54.57

Londonda bastalǵan «Beibitshilik jane birlik. Peace and unity» velosherýi Nur-Sultanda márege jetti

2019 jyldyń 6 shilde 2019 21:43 1505

NUR-SULTAN. QazAqparat - 29 sáýir kúni Ulybrıtanııanyń astanasy London qalasynda bastalǵan «Beibitshilik jane birlik. Peace and unity» halyqaralyq velosherýi búgin qazaq eliniń elordasy Nur-Sultan qalasynda márege jetti, dep habarlaıdy Elorda Info.

Velosherý komandasy Qazaqstanda turatyn 6 ulttyń ókilderinen quralǵan. Onyń quramynda Qazaq Geografııalyq qoǵamy jobasynyń menedjeri Dáýlet Omarov, trıatlet, jartylaı marafonshy, hokkeı sportyndaǵy áýesqoı lıganyń oıynshysy Azamat Atantaı, áýesqoı sportshylar Marına Varıbrýs, Dilmurat Rahmatýllaev, Mıhaıl Lım jáne fotograf Baljan Baltasheva bolǵan. Olar velosıpedpen 7 eldiń 55 qalasynda bolyp, 6000 shaqyrymdyq joldy júrip ótti. Osyǵan baılanysty Qazaqstan Respýblıkasynyń Syrtqy ister mınıstrligi Ulybrıtanııa, Belgııa, Gollandııa, Germanııa, Polsha, Belarýs pen Reseıdegi Qazaqstannyń elshilikterinde sol qalalarda turatyn qazaq etnostarynyń jáne jergilikti BAQ ókilderiniń qatysýymen birqatar kezdesý ótkizgen. Attanar aldynda veloshabandozdardy Londonda jáne Soltústik Irlandııada turatyn qandastarymyz ben qazaq stýdentteri shyǵaryp salǵan eken.

Bıylǵy jastar jylyna arnap «Qazaq Geografııalyq qoǵamy» Kazakh Geographic Society» qoǵamdyq birlestigi uıymdastyrǵan velosherýge qatysýshylar elorda kúnine oraı bas qaladaǵy «Saryarqa» velotreginiń aldynan Qabanbaı batyr dańǵylymen Uly dala kóshesine burylyp, odan ońǵa qaraı Aqmeshit kóshesimen júrip, EXPO qalashyǵynyń №9 fınısh qaqpasynan ótip, aýqymdy jobany túıindedi.

Saltanatty shara odan ári EXPO qalashyǵynyń sahnasynda jalǵasyn tapty. «Qazaq Geografııalyq qoǵamy» Kazakh Geographic Society» qoǵamdyq birlestiginiń prezıdenti Tólegen Tastanbekov pen Qazaqstan halqy Assambleıasy tóraǵasynyń orynbasary ıÝsýp Kelıgov jınalǵandardy elorda kúnimen quttyqtady.

Aıta ketsek, salaýatty ómir saltyn qalyptastyrý, buqaralyq sportty damytý maqsatynda uıymdastyrylǵan halyqaralyq velosherý Qazaqstannyń birligi kúnine oraı Qazaqstan halqy Assambleıasynyń uıytqy bolýymen bastalǵan bolatyn.



null 

 

Joǵary qaraı