Aýa raıy
Astana 9 °S
Almaty 15 °S
valıýta baǵamy
USD 389.52
EUR 429.21
RUB 6.07
CNY 54.94

Lord Výlftiń «AHQO Soty: baǵyt-baǵdary» atty kitaby jaryq kórdi

2019 jyldyń 17 qyrkúıek 2019 21:19

NUR-SULTAN. QazAqparat - Búgin elordada AHQO Sotynyń tóraǵasy Lord Výlf óziniń «AHQO Soty: baǵyt-baǵdary» atty kitabyn zańgerlik jáne iskerı orta ókilderine tanystyrdy, dep habarlaıdy QazAqparat.

Kitapty AHQO Sotynyń jáne Halyqaralyq tórelik ortalyǵynyń tirkeýshisi jáne apparat basshysy Krıstofer Kempbell-Holt myrza redaktsııalaǵan.

Kitapta 2018 jyly AHQO Sotynyń ashylýy baıandalady, sonymen qatar onyń kommertsııalyq daýlardy sheshý úshin Anglııa jáne Ýels jalpy quqyǵynyń protsessýaldyq qaǵıdattary men normalaryna negizdelgen Qazaqstandaǵy alǵashqy sot retinde qurylýynyń mańyzdylyǵy atalyp ótiledi. Kitapta AHQO Sotyn qurý úderisi sıpattalǵan jáne Eýrazııanyń ınvestıtsııalyq haby retinde keleshektegi baǵytyn anyqtaıdy. Kitap úsh tilde: aǵylshyn, qazaq jáne orys tilderinde shyǵaryldy.

Ol hronologııalyq tártipte qurylǵan jáne eki bólimnen turady. Birinshi bóliminde Qazaqstan Respýblıkasynyń Tuńǵysh Prezıdenti – Elbasy 2015 jyly jarııa etken bastamasynan keıin AHQO Sotynyń qurylýynan bastap, 2018 jyly resmı ashylýyna deıingi kezeń qarastyrylady. Ekinshi bóliminde ol AHQO Sotynyń halyqaralyq maqsatyn sıpattaǵan. Kitapqa sonymen qatar AHQO Sotynyń protsesteri men protsedýralaryn qamtamasyz etetin AHQO Sotynyń 2017 jylǵy reglamenti men AHQO Sotynyń 2018 jylǵy qaǵıdalary engizilgen.





Lord Výlf AHQO Soty jónindegi óz kózqarasymen bólisti jáne onyń jetistikterin túsindirip berdi. Qonaqtarǵa kitap avtordyń qoltańbasymen berldi.

«Bul kitapta AHQO Sotynyń qalaı jumys isteıtindigi, onyń ıýrısdıktsııasynyń qandaı ekendigi jáne ony qurý úderisiniń qalaı ótkendigi týraly óte birizdi jáne uǵymdy túsinikteme berilgen. Sonymen, «AHQO Soty: búgini men keleshegi» kitaby sotty, onyń máni men mıssııasyn uǵyný úshin usynylady», dedi M.S.Nárikbaev atyndaǵy KAZGıÝÝ ýnıversıtetiniń provosty Mıras Dáýlenov.





«Anglııa men Ýelsten bedeldi jáne tájirıbeli sottary bar AHQO Soty – bul sot tóreligi men ádildikti, turaqty damý men beıtaraptyqty qorǵaýdy jetildirý úshin jasalǵan fýndamentaldy qadam», - dedi «Signum» zańgerlik fırmasynyń basqarýshy áriptesi Sofııa Jylqaıdarova.

Bul kitap AHQO Soty men Halyqaralyq tórelik ortalyǵy taıaýdaǵy jyldary jarııalaýdy josparlap otyrǵan kitaptar serııasynyń alǵashqysy bolyp tabylady.





Joǵary qaraı