Aýa raıy
Astana 0 °S
Almaty 7 °S
valıýta baǵamy
USD 389.94
EUR 433.50
RUB 6.10
CNY 55.13

Mańǵystaýdaǵy tas karer kóshiriledi

2019 jyldyń 18 qyrkúıek 2019 02:24

AQTAÝ. QazAqparat - Shetpeni shańǵa kómgen karerlerdiń tas ýatý qondyrǵylary aýyldan 10 shaqyrym qashyqtyqqa kóshirilmek. Bul jóninde Óńirlik kommýnıkatsııalar qyzmeti alańynda ótken brıfıngte Mańǵystaý aýdanynyń ákimi Tilek Jetkizgenuly Kóshmaǵanbetov málimdedi, dep habarlaıdy QazAqparat tilshisi.

«Shetpe aýyly mańynda ornalasqan karerlerdiń qorshaǵan ortany lastaýy, shańdatýy máselesi turǵyndar tarapynan birneshe jyldan beri kóterilip keledi. Máseleni qoǵamdyq keńestiń qaraýyna saldyq. Jaqynda oblys ákiminiń orynbasary B.Kashaqovtyń tóraǵalyǵymen Shetpe aýylynda osy karerlerdiń shań shyǵarý máselesi jóninde úlken keńeıtilgen jıyn ótti. Oǵan osy máselege qatysty oblystyq basqarma, departament basshylary qatysty. Jıyn qorytyndysymen arnaıy is-sharalar jospary jasaqtaldy», - dedi Mańǵystaý aýdanynyń ákimi T.Jetkizgenuly.

Jalpy, karerlerge jer telimi oblystyq jer qatynastary basqarmasy arqyly beriledi. Karerler kelisim shartqa sol oblystyq jer qatynastary basqarmasymen otyrǵan. Biz óz kezegimizde osy máselelerdi tolyqtaı sheshý jóninde olarǵa hat joldadyq, usynystarymyzdy berdik. Jer qatynastary basqarmasy, ekologııa departamenti tarapynan karerlerdiń jumysyna, qorshaǵan ortany lastaý, shań shyǵarý faktilerine baılanysty birneshe ret tekserýler de uıymdastyryldy. Qazirgi tańda osy Shetpe mańynda jumys istep turǵan karerlerdiń tas ýatý qondyrǵylaryn aýyldan 10 shaqyrym qashyqtyqqa, burynǵy Qyzylturan tas kareriniń qarsy betine kóshirý jumystary uıymdastyrylýda.

Karer ıeleri tas ýatý qondyrǵylaryn kóshirgen jaǵdaıda Shetpeniń shańy 70 paıyzǵa azaıady.

«Bul máselemen tikeleı oblystyq jer qatynastary basqarmasy men ekologııa departamenti aınalysyp jatyr. Másele bizdiń qatań baqylaýymyzda», - dedi brıfıngte Mańǵystaý aýdanynyń ákimi.


Joǵary qaraı