Aýa raıy
Astana 12 °S
Almaty 22 °S
valıýta baǵamy
USD 386.70
EUR 427.15
RUB 6.06
CNY 54.57

Maraldydaǵy atys: Mınıstr Turǵymbaev oqıǵanyń qalaı bolǵanyn aıtyp berdi

2019 jyldyń 20 tamyz 2019 11:00

NUR-SULTAN. QazAqparat - Іshki ister mınıstri Erlan Turǵymbaev Pavlodar oblysynyń Maraldy aýylyndaǵy atystyń mán-jaıyn túsindirip berdi, dep habarlaıdy QazAqparat tilshisi.

«Ol jaqtaǵy kól ınvestorǵa jalǵa berilgen. Investor atalǵan kóldiń tabıǵı baılyǵyn baǵyp, balyǵyn aýlaýmen aınalysady. Másele - sanktsııalanbaǵan balyq aýlaý jaǵdaılary men arnaıy shaıandardyń aýlanýynda. Biraq, bul shaıandardyń aýlanýy boıynsha arnaıy kvota bar. Kvotadan asyryp, shaıandy aýlaýǵa bolmaıdy. Sol sebepti, bul shaıandardy aýlaý boıynsha brakonerlik áreket bolmaý úshin kvota belgilengen. Biraq, jergilikti turǵyndar shaıandy kvotasyz aýlaǵandyqtan, atalǵan kásipker arnaıy kúzet qyzmetin jaldaǵan. Munyń bári aınalyp kelip, jergilikti turǵyndar men kúzet qyzmetkerleri arasynda tóbelespen aıaqtalyp, BAQ-ta kórgenińizdeı janjal bolyp, travmatıkalyq qarý qoldanylǵan», - dedi Erlan Turǵymbaev Úkimet otyrysynan keıin tilshilerdiń suraǵyna jaýap bere otyryp.

Mınıstrdiń aıtýynsha, osy janjaldyń saldarynan bes adam aýrýhanaǵa túsken.

«Bir jaqsysy, eshkim aýyr jaraqat almapty. Qazirgi tańda ol jerde polıtsııanyń kúsheıtilgen narıady jumys isteýde. Keshe sondaı-aq, kúzet qyzmetkerleriniń urlanǵan kóligi de tabyldy. Eki qylmystyq is qozǵaldy. Jaǵdaı baqylaýda. Jedel tergeý amaldary bastalyp, oqıǵa ornyna oblystyq Polıtsııa departamentiniń bastyǵy shyqty. Tolyqqandy aqparatty tústen keıin ol BAQ-qa beredi», - dedi ol.

Іshki ister mınıstriniń aıtýyna qaraǵanda, oblys aýmaǵyndaǵy kólshikterdiń barlyǵy boıynsha kvotany jergilikti atqarýshy organ beredi.

«Janjal ne úshin tirkeldi? Bárin anyqtaımyz», - dedi sóz sońynda mınıstr.

Aıta ketsek, buǵan deıin Pavlodar oblystyq Polıtsııa departamenti 18 tamyzda jergilikti turǵyndar men kúzet agenttiginiń qyzmetkerleri arasynda atys bolǵanyn habarlaǵan bolatyn. Áý basta kúzet qyzmetkerleri mototsıkl arqyly eki qap artemııa salına shaıandaryn áketip bara jatqan Maraldy aýylynyń 32 jastaǵy turǵynyn ustap alǵan. Osydan keıin oqıǵa ornyna jergilikti turǵyndar kelip, taraptar arasynda atys bastalady.

Oblystyq departamentten habarlaǵandaı, turǵyndardyń biri kúzet agenttiginiń avtokóligin aıdap ketken. Kólik keıin tabylǵany habarlanyp otyr. Tóbeles kezinde polıtsııa qyzmetkerleri aspanǵa travmatıkalyq qarýmen oq atqannan keıin jınalǵandar tarap ketken. Sol kúni túnde Pavlodar qalalyq aýrýhanaǵa 5 adam túsken.

Vıdeo Pavlodarnews.kz saıtynan


Avtor Aıan Bekenuly
Basty sózder: Oqıǵa, Pavlodar oblysy,
Joǵary qaraı