Aýa raıy
Astana 0 °S
Almaty 5 °S
valıýta baǵamy
USD 389.98
EUR 434.01
RUB 6.10
CNY 55.04

«Mektepke jol»: Jambyldyq 30 myńǵa jýyq balaǵa kómek kórsetildi

2019 jyldyń 17 qyrkúıek 2019 01:38

TARAZ. QazAqparat – Jambylda «Mektepke jol» aktsııasy aıasynda búginge deıin 29 927 balaǵa 435 mıllıon 224 myń teńgeniń materıaldyq kómegi kórsetildi, dep habarlaıdy QazAqparat.

Bul aǵymdaǵy jyldyń 1 shilde men 16 qyrkúıek aralyǵyndaǵy kórsetkish. Oblys ákimdiginiń bilim basqarmasynyń uıymdastyrýymen ótip jatqan dástúrli jalpy respýblıkalyq aktsııasy jyl boıy jalǵaspaq.

«Mektepke jol» qaıyrymdylyq aktsııasyn uıymdastyrý jáne ótkizý jóninde óńirlik is-sharalar jospary ázirlenip, oblys ákimdigi tarapynan bekitildi. Aktsııa aıasynda óńirdegi túrli sebeptermen oqýmen qamtylmaı otyrmaı otyrǵan mektep jasyndaǵy balalardy anyqtaý maqsatynda 1 shilde – 16 qyrkúıek aralyǵynda 1276 reıdtik is-shara júrgizildi. Oǵan bilim berý jáne balalardyń quqyǵyn qorǵaý uıymdary, ishki ister bóliminiń qyzmetkerleri, halyqty áleýmettik qorǵaý salasynyń ókilderi, úkimettik emes uıymdar, buqaralyq aqparattyq quraldary men ata-analardyń ókilderinen quralǵan barlyǵy 1905 tulǵa qatysty»,-deıdi bilim basqarmasynyń bas mamany Gaýhar Baıtelıeva.

Bas mamannyń aıtýynsha aktsııa aıasynda jergilikti bıýdjet esebinen 368 mıllıon 588 myń teńgege 23777 balaǵa kıim-keshek, mektepke kerek qural-jabdyqtar alyp berilgen. Dál osyndaı kómek túrleri demeýshiler esebinen 66 mıllıon 635 myń teńgege 6157 balaǵa kórsetilgen.

Kómekpen qamtylǵandardyń deni kópbalaly, az qamtylǵan, tolyq emes otbasylardan shyqqan jáne jetim balalar. Búgingi tańda oblystaǵy kóp balaly jáne az qamtylǵan otbasynan shyqqan balalardyń sany - 28230.

Aıta keteıik, ótken jyly óńirde «Mektepke jol» aktsııasy barysynda 32106 balaǵa 324 mıllıon 752 myń teńgege materıaldyq kómek kórsetilgen bolatyn.

«Búgingi kúni óńirlik is-sharalar josparyna sáıkes jumystar jalǵastyrylýda. Bilim basqarmasynda jyl boıy azamattardyń ótinishteri boıynsha jedel shara qoldaný maqsatynda baılanys telefondary qyzmet etedi. Ondaı baılanys telefondary barlyq bilim bólimderinde de qyzmet etedi»,- deıdi Gaýhar Baıtelıeva.


Avtor Ǵıbrat Sembaı
Basty sózder: Jambyl oblysy, Bilim,
Joǵary qaraı