Aýa raıy
Astana 21 °S
Almaty 20 °S
valıýta baǵamy
USD 386.04
EUR 427.77
RUB 5.88
CNY 54.45

Memleket basshysy «Aıbyn» áskerı-patrıottyq jastar jıynyna qatysýda

2019 jyldyń 19 maýsym 2019 12:35 1501

QARAǴANDY. QazAqparat - QR Prezıdenti - Qarýly kúshterdiń Joǵarǵy Bas qolbasshysy Qasym-Jomart Toqaev Qaraǵandy oblysynda ótip jatqan «Aıbyn» respýblıkalyq áskerı-patrıottyq jastar jıynynda sóz sóıledi. Bul týraly Aqordanyń Twitter paraqshasyna silteme jasap QazAqparat habarlaıdy.

Jıynda Qasym-Jomart Toqaev sarbazdarǵa jalyndy tilegin arnady. 

«Otanymyz - Máńgilik eldiń bedelin arttyra berý - Senderge artylǵan zor úmit. Sondyqtan, jastarymyz ulttyq qundylyqtarymyzǵa adal bolyp, Qazaqstannyń jetistikterin eseleı beredi dep men kámil senemin», - dedi QR Prezıdenti.

Memleket basshysynyń sózinshe, ıgi dástúrge aınalǵan «Aıbyn» áskerı-patrıottyq jıyny - otanshyl jastardy adal qyzmet etýge, el qorǵany bolýǵa tárbıeleıtin biregeı alań.

Aıta keteıik, «Aıbyn» áskerı-patrıottyq jıyny 2019 jyldyń 10-15 maýsym aralyǵynda Qaraǵandy oblysynyń «Spassk» oqý-jattyǵý ortalyǵynda ótedi. Sharany QR Qorǵanys mınıstrligi uıymdastyryp otyr. Oǵan 14-18 jas aralyǵyndaǵy jasóspirimder qatysyp, kúsh synasady.  

«Aıbyn» áskerı-patrıottyq jıynynyń maqsaty - jastar arasyndaǵy áskerı-patrıottyq jumystardy jetildirý, Qazaqstan Respýblıkasynda áskerı-patrıottyq tárbıeni damytý, Qarýly Kúshterdiń mártebesin kóterý jáne áskerı qyzmetti nasıhattaý.  Sol arqyly 
«Jas Sarbaz» áskerı-patrıottyq klýbtar men synyptardyń qyzmetin úılestirý jáne olardyń áskerı basqarý organdarymen qarym-qatynasyn baqylaý, jastardy Qarýly Kúshterdiń áskerı qyzmetine daıyndaý kózdelgen.



Joǵary qaraı