Aýa raıy
Astana 2 °S
Almaty 7 °S
valıýta baǵamy
USD 389.94
EUR 433.50
RUB 6.10
CNY 55.13

Memlekettik qyzmetshi nashar bolsa, jaqsy zań kómektespeıdi - Álıhan Báımenov

2019 jyldyń 20 qyrkúıek 2019 21:55

AQTÓBE. QazAqparat - Memlekettik qyzmet salasyndaǵy óńirlik hab basqarýshy komıtetiniń basshysy Álıhan Báımenov aqtóbelik memlekettik qyzmetshilermen kezdesti, dep habarlaıdy QazAqparat tilshisi.

Aqtóbege jumys saparymen kelgen Álıhan Báımenovpen kezdesýge jas memlekettik qyzmetshiler jınaldy. Memlekettik apparattyń aýysymdylyǵy, memlekettik qyzmetshilerge jalaqy tóleýdiń jańa júıesi, Prezıdenttik jastar kadr rezerviniń tıimdiligi jáne damyǵan elderdiń memlekettik júıedegi tájirıbesi jóninde suraqtar qoıyldy. Memlekettik qyzmetshilerdiń ımıdji, kelbeti jáne ózin-ózi ustaýy týraly máseleler talqyǵa tústi.

«Memlekettik basqarýdy fýtbolmen teńeýge bolady. Biz árqaısymyz fýtboldy túsinemiz dep oılaımyz, fýtbolshylardy synaımyz. Memlekettik basqarý da sol sekildi. Ár azamat memlekettik basqarýdyń tetigin biledi. Bul sizder, ıaǵnı memlekettik qyzmetshiler úshin úlken synaq. Soǵan sizder daıyn bolýlaryńyz kerek. Bizdiń talabymyz memlekettik qyzmetshiniń óskeleń qoǵamǵa sáıkes alda júrýi. Zań jaman bolyp, memlekettik qyzmetshi jaqsy bolsa, memleketti basqarýǵa bolady, al memlekettik qyzmetshi nashar bolsa, jaqsy zań kómektespeıdi», - dedi Álıhan Báımenov.

Kezdesý barysynda Álıhan Muhamedııauly memlekettik basqarý taqyrybyna toqtalyp, memlekettik organdarda jıi ótkiziletin jınalystardy synǵa aldy. Onyń aıtýynsha áli kúnge deıin jınalystar kóp ótkiziledi, taqyryptary aıqyn emes, basshylardyń ýaqyttaryn alady.

«Bir adamnyń tóraǵalyǵymen ótken jıynda kóbine álgi kisi bastan-aıaq sóıleýmen bolady, ıaǵnı, monolog. Odan birinshi kezekte sonyń ózi zardap shegedi. Óıtkeni pikir almasý, qatysýshylardyń usynys-oıyn bilý bolmaǵan jaǵdaıda jıynnyń nátıjesi az. Urysyp-jeký úshin jınalys ótkizetinder de eshqandaı paıda kórmeıdi, kerisinshe, onyń jumysy turalap qalady. Eń aldymen sheshim, odan shyǵatyn qorytyndyny oılap baryp, jınalys ótkizgen durys», — dedi Á. Báımenov.


Joǵary qaraı