Aýa raıy
Astana 21 °S
Almaty 20 °S
valıýta baǵamy
USD 386.04
EUR 427.77
RUB 5.88
CNY 54.45

Mereke kúni dúnıege kelgen sábılerge QHA dombyra tartý etti

2019 jyldyń 7 shilde 2019 20:56 1417

NUR-SULTAN. QazAqparat - Dombyra kúninde dúnıege kelgen nárestelerge ulttyq aspap tartý etildi, dep habarlaıdy QazAqparat Qazaqstan halqy Assambleıasynyń baspasóz qyzmetine silteme jasap. 

Qazaqstan halqy Assambleıasy elimizde ekinshi ret atalyp ótken Ulttyq Dombyra kúnine oraı «Ulttyń saz baıraǵy – dombyra» aktsııasyn ótkizdi.

7 shildede Nur-Sultan qalasyndaǵy №2 kóprofıldi qalalyq aýrýhananyń perınataldy bólimshesinde jáne «Ana men bala» ulttyq ǵylymı ortalyǵynda Qazaqstan halqy Assambleıasynyń ókilderi dál osy aıtýly kúni dúnıege kelgen nárestelerge QHA logotıpi beınelengen qasıetti dombyrany tartý etti.

«Bul aktsııa Qazaqstannyń jańa týǵan azamattary men olardyń ata-analaryna balalaryn rýhanı qalyptastyrý jolyndaǵy mańyzdy baǵdar bolmaq. QR Prezıdenti janyndaǵy «Qoǵamdyq kelisim» RMM dırektory S.F. Majıtov sábılerin qushaqtaryna jańa alǵan analar men bilikti dárigerlerge quttyqtaý tilegin bildire otyryp, QHA-nyń sábılerge joldaǵan arnaıy hatyn tapsyrdy» delingen habarlamada.

Óz kezeginde jas bosanǵan analar tárbıelik máni zor osyndaı is-sharany uıymdastyrýshylarǵa alǵys aıtyp, jyly lebizderin jetkizdi.



null

 

Joǵary qaraı